کراچی(سپورٹس ڈیسک) سابق کپتان وسیم اکرم نے کہاہے کہ ٹیم کی کارکردگی پر اطمینان کا اظہار کرتے ہوئے کہاکہ منیجمنٹ میں تھوڑا مسئلہ رہاہے ، جس صورتحال میں اسد شفیق کو بھیجا گیا، اگر میں ہوتا تو اس وقت عمراکمل یا رضوان کو بھجواتا لیکن خوش قسمتی سے شعیب اچھا کھیل گیا۔، بولرز نے بہت اچھا کھیل پیش کیا، جنید جمشید نے ثابت کیا کہ سلیکشن اچھی تھی ، آسٹریلیا کی کمزور بیٹنگ سے مستقبل میں بھی فائدہ اٹھایا جاسکتاہے۔پاکستان کی فتح کے بعد گفتگوکرتے ہوئے وسیم اکرم کاکہناتھاکہ ٹیم نے اچھی پرفارمنس دکھائی ، کپتان اظہرعلی انجرڈ ہوگیاتھا لیکن ٹیم نے پہلے میچ کی غلطیاں نہیں دہرائیں ، پہلے وکٹیں لیں اور پھر محمدحفیظ نے اٹیک کردیا، اس جیت کا کریڈٹ بھی اکیلے حفیظ کو نہیں بلکہ پوری ٹیم کو جاتاہے۔ وسیم اکرم کاکہناتھاکہ آسٹریلیا کی بیٹنگ کمزور ہے ، اگلی مرتبہ بھی اسی حکمت عملی کیساتھ جائیں اور کینگروز پکڑے جاسکتے ہیں۔ایک سوال کے جواب میں ان کاکہناتھاکہ ایک میچ سے آپ کپتان کی اہلیت کا اندازہ نہیں لگاسکتے ،تخمینہ لگانے کے لیے کم ازکم دس سے پندرہ میچ چاہیں۔
