راولپنڈی(بیورورپورٹ)آرمی چیف جنرل قمر جاوید باجوہ نے ملک میں رواں بر س ہونے والی چھٹی مردم شماری کے لیے 2 لاکھ فوجی اہلکار تعینات کرنے کی منظوری دے دی۔آئی ایس پی آرکی جانب سے جاری کردہ بیان کے مطابق ا?رمی چیف نے چھٹی مردم شماری کی سیکیورٹی کے لیے فوجی جوانوں کی تعیناتی کی منظوری دے دی۔ا?ئی ایس پی ا?ر کے ڈائریکٹر جنرل (ڈی جی) میجر جنرل عاصم غفور کا کہنا تھا کہ فوجی جوان مردم شماری کے دوران سیکیورٹی سمیت دیگر ذمہ داریاں بھی نبھائیں گے۔خیال رہے کہ 19 سال کی تاخیر کے بعد ملک میں چھٹی مردم شماری کا پہلا مرحلہ رواں برس مارچ میں شروع ہوگا۔آرمی چیف سے جرمن سفیر کی ملاقات کے موقع پر جرمن سفیر نے دہشت گردی کیخلاف جنگ میں پاک فوج کی کامیابیوں کا اعتراف کرتے ہوئے خطے میں امن واستحکام کیلئے اس کی مسلسل کوششوں کو سراہا ہے۔ آئی ایس پی آر کے مطابق چیف آف آرمی سٹاف جنرل قمر جاوید باجوہ سے پاکستان میں جرمنی کی سفیر اینا لیپل نے جمعہ کو جی ایچ کیو میں ملاقات کی۔ ملاقات کے دوران خطے کی سیکیورٹی سمیت باہمی دلچسپی کے امور پر تبادلہ خیال کیا گیا۔
