لاہور(خصوصی رپورٹ)الیکشن کمیشن نے بلدیہ عظمی لاہور کی49نشستوں کو خالی قرار دے دیا ۔ان میں میئر لاہور اور نو ڈپٹی میئرز کی نشستیں بھی شامل ہیں جنپروہ منتخب قرار پا ئے ۔الیکشن کمیشن آف پاکستان نے اس حوالے سے تفصیلات محکمہ بلدیات کو فراہم کر دی ہیں تاکہ خالی نشستوں پر انتخابات کے حوالے سے تیاریاں مکمل کرنے میں معاونت حاصل کی جا سکے ۔لاہور میٹرو پولیٹن کارپوریشن کی ٹیکنو کریٹس کی خالی نشست جس پر کرنل ریٹائرڈ مبشر جاوید منتخب ہوئے ، پر نئے سرے سے الیکشن کروایا جائے گا ۔یونین کونسل نمبر 184‘ 27‘ 83‘ 95‘ 76‘ 31‘20 اور یونین کونسل نمبر197میں چیئرمین کی نشستوں کو خالی قرار دے کر الیکشن شیڈول جاری کرنے کا عندیہ دیا گیا ہے ۔بلدیہ عظمی لاہور کی ایک ورکر کی مخصوص نشست پر بھی دوبارہ ووٹنگ ہو گی جس پر نذیر احمد سواتی کو کامیاب ہونے کے بعد ڈپٹی میئر بنایا گیا ہے ۔یونین کونسل نمبر ایک کی واحد خالی نشست پر پولنگ کا شیڈول جاری کر دیا گیا ہے ،دیگر پر تیاریاں مکمل کی جا رہی ہیں۔یونین کونسل نمبر 255 کے چیئرمین،یوسی107کے وائس چیئرمین ، یوسی 46,224,242کے جنرل ممبرز کی نشستوں کو ممبران کے وفات پانے کے باعث خالی قرار دیا گیا ہے ۔یونین کونسل نمبر 41‘ 64‘ 67‘91‘ 92‘97‘101‘107‘ 125 126‘ 134‘ 136‘ 142‘ 156‘ 158‘ 159‘ 161‘ 163‘ 164‘ 166‘ 169‘ 181‘ 207‘ 210‘ 229‘ 238‘ 242‘ 246‘ 254 اور 259 کی ایک ایک خالی نشست پر دوبارہ پولنگ ہو گی۔
