لاساینجلس(شوبز ڈیسک ) امریکی صدر کے رویئے کو مسلمانوں کے لیے متعصبانہ قرار دیتے ہوئے ایرانی اداکارہ نے آسکر ایوارڈ تقریب کا بائیکاٹ کر دیا۔ذرائع کے مطابق ایرانی اداکارہ ترانہ کی فلم دی سیلز مین کو آسکر ایوارڈ کے لیے نامزد کیا گیا تھا ، مگر امریکی صدر ڈونلڈ ٹرمپ کی مسلمانوں کے خلاف نئی پالیسیوں کی خبروں کے بعد ادکارہ نے آسکر ایورڈ کی تقریب میں شامل نہ ہونے کا اعلان کیا ہے۔ گزشتہ دو روز سے امریکی صدر کے حوالے سے خبریں گردش میں ہیں کہ وہ ایک ایگزیکٹو آرڈر کے ذریعے ایران سمیت سات مسلم ممالک کے شہریوں کی امریکا آمد پر پابندی عائد کر دیں گے۔
