لاہور (کرائم رپورٹر) قلعہ گجر سنگھ اور ہربنس پورہ کے علاقوں میں پولیس نے ہوٹل، قحبہ خانہ پر چھاپہ مار کر رنگ رلیاں مناتے ہوئے 12 لڑکیوں سمیت 20افراد کو قابل اعتراض حالت میں گرفتار کرلیا، زیرحراست لڑکیوں کی رہائی کے لیے رات بھر سفارشیوں کے فون بجتے رہے جبکہ آج صبح ناشتہ دینے والوں کا تھانے کے باہر رنش، شیرجوانوں کی موجیں۔ تفصیل کے مطابق رات گئے قلعہ گجر سنگھ کے علاقہ گلستان چوک کے قریب واقع ایک ہوٹل پر پولیس نے چھاپہ مار کر رنگ رلیاں
مناتے ہوئے 7 تتلیوں سمیت 13 افراد کو حراست میں لے لیا جبکہ ہربنس پورہ کے علاقہ میں پویلس نے ایک گھر میں چھاپہ مار کر جسم فروشی کا مکروہ دھندہ کرنے والی چار لڑکیوں سمیت 7 افراد کو قابل اعتراض حالت میں گرفتار کرلیا، پولیس کے مطابق اطلاع موصول ہوئی تھی کہ یہاں پر کافی عرصہ سے قحبہ خانہ چل رہا ہے۔
