لاہور(ویب ڈیسک) قومی ٹیم کے بلے باز بابر اعظم کو بیٹنگ میں کامیابی کے بعد باﺅلنگ کے جوہر دکھانے کا بھی موقع دیا جانے کا امکان ہے، قومی ٹیم کے نئے ممکنہ آل راﺅنڈر نے آسٹریلیا کے شہر برسبین میں واقع آئی سی سی لیب میں بالنگ ایکشن کا ٹیسٹ بھی دیدیا ہے ۔بابر اعظم قومی انڈر 19 ٹیم کی قیادت کر چکے ہیں اوراس دوران و ہ بلے بازی کے ساتھ ساتھ گیند کروانے کا جوہر بھی دکھا چکے ہیں۔ بابر انڈر 19 ٹیم میں آف سپن بالنگ کیا کرتے تھے لیکن ایکشن مشکوک ہونے کی وجہ سے پی سی بی کی جانب سے انہیں گیند کروانے سے منع کر دیا گیا تھا۔تاہم اب بابر اعظم نے آسٹریلیا میں قیام کے دوران برسبین جا کر آئی سی سی کی بائیو مکینکس لیب میں بالنگ ایکشن کا ٹیسٹ دیا ہے جس کی رپورٹ 15 روز تک موصول ہونے کا امکان ہے۔
