لاہور(شوبزڈیسک) پاکستان سپر لیگ کے دوسرے ایڈیشن کی افتتاحی تقریب9 فروری کو دبئی میں ہوگی جس میں علی ظفر اور شہزاد رائے کے علاوہ جمیکا سے تعلق رکھنے والے مشہور زمانہ گلوکار شیگی بھی پرفارم کریں گے۔ پاکستان س±پر لیگ ٹو کی افتتاحی تقریب پہلے سے بھی زیادہ دلکش اور رنگا رنگ ہوگی جس میں بڑے بڑے فنکار اپنے فن کا جادو جگائیں گے اور سب کی توجہ کا مرکز جمیکا کے گلوکار شیگی ہوں گے۔ پاکستان کے مایہ ناز گلوکار علی ظفر اور شہزاد رائے بھی تقریب میں پرفارم کریں گے۔
