نیویارک(خصوصی رپورٹ)امریکی شہر ہوسٹن میں نامعلوم افراد نے مسجد کو آگ لگادی،واقعے پر مسلمانوں اور مسلم تنظیموں میں شدید تشویش کی لہر دوڑ گئی ۔ غیر ملکی میڈٰیا کے مطابق امریکی شہر ہوسٹن میں نامعلوم افراد نے مسجد کو آگ لگادی۔حکام کا کہنا ہے کہ آگ رات دو بجے لگائی گئی اور آگ لگانے والے لوگ موقع سے فرار ہوگئے۔ نمازی فجر کے وقت پہنچے تو پوری مسجد جل چکی تھی جس کے بعد نمازیوں نے فٹ پاتھ پر نماز ادا کی۔ شواہد سے معلوم ہوتا ہے کہ آگ باقاعدہ نفرت کی بنیاد پر لگائی گئی۔ پولیس کا کہنا ہے مختلف پہلوﺅں سے تفتیش کی جارہی ہے۔ ڈونلڈ ٹرمپ کی انتخابی مہم سے یہ سلسلہ شروع ہوا تھا اور اب تک کئی مساجد کو آگ لگائی جاچکی ہے۔
