اسلام آباد(ویب ڈیسک)مسلم لیگ(ن) کے رہنماﺅں نے کہا ہے کہ تحریک انصاف گڑھے مردے باہرنکال کہ جشن مناناچاہتی ہے،عمران خان کے ہرالزام کا ثبوتوں کے ذریعے سامناکیاہے،تحریک انصاف لوگوں کے ذہنوںکےساتھ کھیل رہی ہے،اٹک جیل میں لیے گئے اسحاق ڈار کے بیان کی کوئی حیثیت نہیںہے،عمران خان کے جلسیوںسے ثابت ہوتاہے،ان کے پانامہ پیپرز مستردہوچکے ہیں،امریکی ویزے بندکرنے کے حوالے سے عمران خان کا بیان غیرذمہ درانہ ہے۔پیر کو سپریم کورٹ کے باہرمیڈیا سے گفتگو کرتے ہوئے وزیرمملکت آئی ٹی انوشہ رحمان نے کہاکہ 1.2ارب روپے کے حوالے سے حدیبیہ پیپرملز نے قرض کی تمام رقم واپس کی،حدیبیہ ملز کے معاملے پر کوئی سرکاری رقم سے مل نہیں تھی،لین دین دو بنکوں کے درمیان ہوا۔انہوں نے کہاکہ اٹک جیل میں لیے گئے اسحاق ڈار کے بیان کی کوئی حیثیت نہیں ہے،تحریک انصاف گڑھے مردے باہرنکال کرجشن مناناچاہتی ہے،آمریت کے دور میں سیاستدانوں کو بندوق کے زور پر مجبورکیاجاتاہے۔مسلم لیگ (ن) کے رہنما دانیال عزیز نے کہاکہ عمران خان کے ہرالزام کا ثبوتوں کے ذریعے سامناکیاہے،اسحاق ڈار نے خودکہا کہ یہ بیان غیرقانونی ہے،عمران خان کو اپنے کالے دھن کا پیسہ سفیدکرنے پر بھی شرمندگی نہیں،تحریک انصاف لوگوںکے ذہنوں کے ساتھ کھیل رہی ہے۔مسلم لیگ (ن) کی رہنما مائزہ حمید نے کہا کہ عمران خان نے کل جلسی میں پانامہ پیپرز بیچنے کی کوشش کی،عمران خان کی جلسیوں سے ثابت ہوتاہے کہ ان کے پانامہ پیپرز مسترد ہوچکے ہیں،امریکی ویزے بندکرنے کے حوالے سے عمران خان کابیان غیرذمہ دارانہ ہے۔….(خ م)
