پیرس(نیوزایجنسیاں) ٹینس کی رینکنگ میں امریکی سپراسٹار سرینا ولیمز دوبارہ عالمی نمبرون پلیئر بن گئیں جب کہ مینز سنگلز میں فیڈرر نے کیریئر کا 18واں گرینڈ سلم جیت کر عالمی رینکنگ میں ایک بار پھر ٹاپ 10 میں جگہ بنالی۔ٹینس کی نئی رینکنگ میں امریکی سپراسٹار سرینا ولیمز پیر کو باضابطہ طور پر دوبارہ عالمی نمبرون پلیئر بن گئیں، ایک درجے تنزلی پر اینجلیک کیربر کو دوسری پوزیشن پر جانا پڑگیا۔آسٹریلین اوپن کی کوارٹر فائنلسٹ کیرولینا پلسکووا نے 2 درجے ترقی پاکر تیسری پوزیشن لے لی، مینز سنگلز میں فیڈرر نے کیریئر کا 18واں گرینڈ سلم جیت کر عالمی رینکنگ میں ایک بار پھر ٹاپ 10 میں جگہ بنالی، رافیل نڈال نے بھی 3 درجے ترقی ملنے پر چھٹی پوزیشن حاصل کرلی۔، اینڈی مرے بدستور پہلے اور نوواک جوکووچ دوسرے نمبر پر براجمان ہیں، واورنیکا نے میلوس راو¿نک کو پیچھے دھکیل کر تیسری پوزیشن ہتھیالی جب کہ کینیڈین پلیئر کو تنزلی کے بعد چوتھے نمبر پر اکتفا کرنا پڑا، جرمن پلیئر مسچا زیوریف 15 درجے کی چھلانگ لگاکر35ویں نمبر پر آگئے، یہ ان کی بہترین کیریئر رینکنگ ہے۔
