لاہور(ویب ڈیسک)پاکستان کرکٹ بورڈ نے محمد حفیظ کے متبادل کی تلاش شروع کردی، بابر اعظم کو آل راو¿نڈر بنانے کی تیاریاں بھی ہونے لگیں، نوجوان کرکٹر نے برسبین میں بائیومکینک ٹیسٹ دیدیا تاہم ایکشن کلیئر ہونے پر بولنگ بھی کرنے لگیں گے۔سال میں دوسری بار بولنگ ایکشن مشکوک قرار دیئے جانے کی وجہ سے محمد حفیظ 12ماہ کی پابندی کا شکار ہوئے،دورہ انگلینڈ میں بطور بیٹسمین فارم پر سوالیہ نشان لگنے کے بعد فٹنس مسائل نے بھی انھیں گھیر لیا، ایکشن کلیئر ہونے کے بعد آل راو¿نڈر حفیظ ون ڈے اسکواڈ میں بطور16ویں کھلاڑی شامل کئے گئے تو کینگروز کیخلاف سیریز میں کارکردگی ناقص رہی، صرف ایک اننگز میں قابل ذکر بیٹنگ کرتے ہوئے 72رنز بنائے، دیگر میچز میں باہر جاتی گیندوں کو چھیڑنے کی دیرینہ بیماری کے سبب ناکام رہے۔ بطور بولر پوری سیریز میں حفیظ ایک وکٹ بھی نہ حاصل کرپائے، ان حالات میں پی سی بی مستقبل کیلئے کسی نوجوان آل راو¿نڈر کو تیار کرنا چاہتا ہے، قبل ازیں حارث سہیل کو موزوں سمجھا جارہا تھا لیکن وہ فٹنس مسائل کا شکار ہوگئے۔ادھر اب پی سی بی کی نگاہیں بابر اعظم پر مرکوز ہیں، انھوں نے ایڈیلیڈ سے برسبین جا کر آئی سی سی کی منظور شدہ بائیو مکینک لیب میں بولنگ ایکشن کا ٹیسٹ دیا جس کی رپورٹ 15 دن تک موصول ہو جائیگی۔

اسلام آباد(ویب ڈیسک)بنگلہ دیش کےخلاف دو ٹیسٹ میچوں کی ہوم سیریزمیں کلین سوئپ کرکے پاکستان کی جگہ پانچویں نمبرپر پہنچنے والی کیوی ٹیم کے سرپر ایک بارتنزلی کا خطرہ منڈلانے لگاہے۔نیوزی لینڈکومارچ میں جنوبی افریقہ کے خلاف تین ٹیسٹ میچوں کی ہوم سیریز کی میزبانی کرنی ہے جس میں اس کی فتح کے امکانات انتہائی معدوم دکھائی دیتے ہیں۔نیوزی لینڈنے1992 میں جنوبی افریقہ کی انٹرنیشنل کرکٹ واپسی کے بعد سے اپنے ملک میں پروٹیزکے کھیلی گئی ساتوں ٹیسٹ سیریزمیں شکست کھائی ہے۔کیویز کے دیس میں کھیلی گئی گزشتہ سات ٹیسٹ سیریزمیں نیوزی لینڈنے جنوبی افریقہ کیخلاف20 ٹیسٹ میچوں میں صرف ایک ہی فتح حاصل کی پروٹیزکسی بھی مارجن سے نیوزی لینڈکو ہرانے میں کامیاب ہوجاتے ہیں تو کیویز ایک درجہ تنزلی کا شکار ہوجائے گی جس کا براہ راست فائدہ پاکستان ٹیم کو ہوگا جو ایک درجہ ترقی پاکرواپس دوبارہ پانچویں نمبرپر آجائیگی تاہم اسے یہ پوزیشن بچانے کیلئے دورہ ویسٹ انڈیزمیں اچھی کارکردگی کا مظاہرہ کرناہوگا۔

لاہور (ویب ڈیسک ) آئی سی سی کی پاکستان میں انٹرنیشنل کرکٹ کی بحالی کے لئے قائم ٹاسک فورس کے سربراہ جائلز کلارک نے آخر کار لاہور کا دورہ کرلیا۔ جہاں پر انہوں نے وزیراعلیٰ پنجاب شہباز شریف اور دیگر سیکیورٹی حکام سے ملاقات کی۔ انہیں خصوصی پروٹوکول بھی دیا گیا جس سے وہ کافی خوش دکھائی دیئے۔اگرچہ جائلز کلارک نے پاکستان میں انٹرنیشنل کرکٹ کی فوری واپسی کے بارے میں کوئی آسرا نہیں دیا مگر یہ امید ضرور دلادی کہ اچھا وقت لوٹنے والا ہے۔انہوں نے کہا کہ ” یہاں کے انتظامات سے میں کافی متاثر ہوا ہوں، صورتحال سے متعلق کوئی بھی فیصلہ تو سیکیورٹی ماہر ہی کرسکتا ہے میں سیکیورٹی ماہر نہیں لیکن جس طرح کے انتظامات میں نے دیکھے ہیں، ان سے کافی متاثر ہوا ہوں“۔جائلز کلارک نے پاکستان سپر لیگ کے فائنل کے لاہور میں انعقاد کے بورڈ فیصلے کو بھی خوش آئند قرار دیا۔