شاہ محمود قریشی اور ایاز صاد ق کا ٹیلی فونک رابطہ

اسلام آباد(ویب ڈیسک)تحریک انصاف کے وائس چیئرمین شاہ محمود قریشی کا سپیکر قومی اسمبلی سردار ایاز صادق سے ٹیلی فونک رابطہ ، شاہ محمود قریشی نے ایاز صادق کو وزیراعظم نوازشریف اور ان کے وزراءکے بیانات پر نوٹس لینے کا مطالبہ کرلیا ۔اتوار کے روز تحریک انصاف کے وائس چیئرمین شاہ محمود قریشی نے سپیکر قومی اسمبلی سردار ایاز صادق نے ٹیلی فو ن رابطہ کیا جس میں انہوں نے سردار ایاز صادق سے مطالبہ کیا کہ وزیراعظم نواز شریف اور تین وزراءوزیر دفاع خواجہ آصف ، وزیر ریلوے خواجہ سعد رفیق اور وزیر مملکت پانی و بجلی عابد شیر علی کے بیانات دے کر معاملے کو سلجھانا یا مزید بگاڑنا چاہتے ہیں ،اگر حکومت اپوزیشن سے افہام و تفہیم چاہتی ہے تو سپیکر ایاز صادق آج (پیر کو) حکومت سے علیحدہ اور اپوزیشن سے علیحدہ ملاقات کریں اور ان کے تحفظات دور کریں اور منگل کے روز مشترکہ اجلاس بلوائیں۔ اس حوالے سے شاہ محمود قریشی نے عمران خان کو بھی آگاہ کر دیا ہے۔ آپ بطور سپیکر وزیراعظم اور وزراءکو بیانات دینے سے روکیں تاکہ صورتحال مزید پیچیدہ نہ ہو ۔