اسلام آباد (آن لائن)میڈیا ٹاک کی دوڑ میں پاکستان تحریک انصاف کے ترجمان نعیم الحق اور فواد
چوہدری الجھ پڑے، ڈاکٹر بابر اعوان نے معاملے کو رفع دفع کرادیا ۔تفصیلات کے مطابق سپریم کورٹ میں پانامہ کیس کی سماعت میں وقفہ کے بعد ترجمان فواد چوہدری نے عدالت کے باہر میڈیا ٹاک کی جبکہ تحریک انصاف کے دوسرے ترجمان نعیم الحق میڈیا سے گفتگو کرنے کیلئے پہنچے تو فواد چوہدری پہلے ہی میڈیا ٹاک شروع کررکھی تھی جس پر انہیں غصہ آگیا سائیڈ پر کھڑے ہوگئے،میڈیا ٹاک کے اختتام پر نعیم الحق نے فواد چوہدری کو غصے میں کہا کہ اتنی بھی جلدی کیا تھی میرے آنے کا انتظار تو کرلیتے ،دونوں رہنماﺅں کے الجھنے پر ڈاکٹر بابر اعوان درمیان میں کود پڑے اور معاملے کو رفع دفع کرادیا ۔عدالتی وقفہ کے بعد نعیم الحق غصے کی حالت میں اکیلے ہی سپریم کورٹ چلے گئے جبکہ فواد چوہدری اور دیگر رہنما بعد میں گئے ۔

اسلام آباد (نیٹ نیوز) پانامالیکس کیس میں وزیر اعظم میاں نواز شریف اور ا±ن کے بچوں کے خلاف
درخواستوں کی سماعت کے لیے جہاں سپریم کورٹ کا نیا بینچ تشکیل دیا گیا ہے تو وہیں ان درخواستوں کی سماعت کے لیے کمرہ عدالت بھی تبدیل کردیا گیا۔ اب ان درخواستوں کی سماعت عدالت نمبر دو میں ہوتی ہے اور یہ کمرہ عدالت چیف جسٹس کے کمرہ عدالت کی نسبت بہت ہی چھوٹا ہے۔ یہاں صرف چالیس کے قریب افراد کے بیٹھنے کی گنجائش ہے بدھ کے روز ان درخواستوں کی سماعت کرنے والے بینچ کے بیٹھنے سے پہلے ہی کمرہ لوگوں سے کھچا کھچ بھرچکا تھا۔ پاکستان تحریک انصاف کے چیئرمین عمران خان کو بھی خاصی دیر تک کھڑے رہنا پڑا۔ بالآخر انھیں سیٹ مل ہی گئی۔ اس کے برعکس حکمران جماعت کے حامی بھی عدالت میں موجود تھے اور جونہی کوئی وفاقی وزیر کمرہ عدالت میں آتا تو وہ اپنی سیٹ سے ا±ٹھ جاتے اور یوں وفاقی وزرا کو آسانی سے نشست مل جاتی۔ پاناما لیکس کی درخواستوں کی سماعت کے دوران پاکستان تحریک انصاف کے چیئرمین عمران خان کے ہاتھ میں آج پہلی مرتبہ تسبیح بھی نظر آئی۔ اس سے پہلے والے بینچ اور سنہ 2013 کے انتخابات میں دھاندلی سے متعلق درخواست کی سماعت کے دوران پاکستان تحریک انصاف کے سربراہ کے ہاتھ میں کبھی بھی تسبیح نہیں دیکھی گئی۔ تاہم بدھ کو جب بھی بینچ میں شامل کوئی جج ریمارکس دیتے یا پی ٹی آئی کے وکیل نعیم بخاری سے کوئی سوال پوچھتے تو عمران خان کے دائیں ہاتھ کی انگلیاں تسبیح پر زیادہ تیزی سے چلنا شروع ہوجاتی تھیں۔کمرہ عدالت سے نکلنے کے بعد پاکستان تحریک انصاف کے سربراہ نے تسبیح اپنی جیب میں ڈال لی۔ سماعت کے دوران عمران خان متعدد بار اپنی نشست سے کھڑے بھی ہوتے رہے۔ نعیم بخاری جب اپنے دلائل دے رہے تھے تو عمران خان، جہانگیر ترین اور اسد عمر اپنے وکلا کو سرگوشیوں میں مشورے بھی دیتے رہے۔

کراچی (آئی این پی) متحدہ قومی موومنٹ لندن اور پاکستان قومی موومنٹ کی جانب سے21 جنوری ہفتے کو کراچی میں عائشہ منزل تا مزار قائد ریلی کا انعقاد بانی ایم کیو ایم الطاف حسین کا خطاب روکنے کے لئے حکومت سندھ نے حکمت علمی طے کرلی ہے، ریلی کو کریک ڈاو¿ن کرنے کے لئے پہلے مرحلے میں ایم کیو ایم لندن سے تعلق رکھنے والے کارکنان کی بڑی پیمانے پر گرفتاریاں کی جائیں گی اور گرفتار شدگان کے مقدمات انسداد دہشتگردی ایکٹ کے تحت درج کیے جائیں، جبکہ دوسرے مرحلے میں ایم کیو ایم کے بانی الطاف حسین کے خلاف درج مقدمات کی تفصیلات جمع کی جائیں گی، محکمہ داخلہ سندھ کے زرائع نے آئی این پی کو بتایا کہ شہر کے تمام 6 ایس ایس پیز اور پولیس کی دیگر برانچز کو ہدایت جاری کی گئی ہیں کہ ایم کیو ایم کے بانی الطاف حسین کے خلاف جتنے بھی مقدمات درج ہیں ان کی تفصیلات فراہم کی جائیں اور جو لوگ لندن سے رابطے میں ان کا سراغ لگایا جائے ، ذرائع کے مطابق اسلام آباد میں ایم کیو ایم لندن کے رہنماءندیم نصرت اور پاکستان قومی موومنٹ کے اقبال کاظمی کی میڈیا ٹاک کے بعد کراچی پولیس کو ایکشن لینے کے لیے کہا گیا ہے، ذرائع نے دعویٰ کیا کہ اگر بانی ایم کیو ایم الطاف حسین21 جنوری کو شرکائ ریلی سے خطاب کے دوران واپسی کا شیڈول دیتے ہیں تو وفاق سمیت باقی صوبوں سے رابطہ کر کے اس بات کو یقینی بنایا جائے گا کہ الطاف حسین ملک کے جس بھی ائیرپورٹ پر لینڈ کرتے ہیں انہیں ہر صورت گرفتار کیا جائے اور تمام ائیر پورٹس پر الطاف حسین کا استقبال روکنے کے لئے اقدامات کئے جائیں، ذرائع کے مطابق حکومت ایسی پلاننگ کررہی ہے کہ اگر الطاف حسین وطن واپسی آتے ہیں تو ان کے جہاز کی لینڈنگ کے بعد ہی انہیں رن وے سے تحویل میں لے لیا جائے۔