ممبئی (شوبز ڈیسک)بالی وڈ کا ’رئیس‘ 100 کروڑ کا چھکا لگا دیا،فلم کا 6دن کا بزنس 100کروڑ سے اوپر ہوگیا ، جبکہ ریتھک روشن کی فلم ’قابل‘ کا اسکور 67کروڑ روپے ہوگیا تاہم اس کا اسکور ابھی جاری ہے۔بالی ووڈ کے کنگ خان اور پاکستان کی معروف اداکار ہ ماہرہ خان کی تھرل اور ایکشن سے بھرپور فلم ’رئیس‘ باکس آفس پر دھماکے دار انٹری دینے کے بعداب سو کروڑ کلب میں شامل ہونے کو تیار ہے۔ماہرہ اور شاہ رخ کی اداکاری شائقین کو بھا گئی، اس فلم نے جہاں شائقین کو اپنا دیوانہ بنا دیا ہے وہیں 6دنوں میں 100کروڑروپے سے اوپر کا بزنس کرلیا ہے۔فلم میں ماہرہ خان پہلی بار بالی ووڈ کے کنگ خان کے ساتھ مرکزی کردار ادا کر رہی ہیں جبکہ نواز الدین صدیقی بھی مرکزی کردار میں اپنی اداکاری کے جوہر دکھاتے نظر آئے۔
