کراچی(شوبز ڈیسک) بھارتی فنکاروں کے بعد پاکستانی پروڈیوسرز نے فلموں اور ڈراموں کیلئے ایرانی اور ترکی کے فنکاروں سے رابطے شروع کر دیئے۔ کئی ہدایتکاروں نے زیر تکمیل فلموں کیلئے ترکی اور ایرانی فنکاروں کو کاسٹ کرکے خفیہ طور پر کام شروع کردیا ہے۔ ہدایتکار عابس رضا نے بھی پروڈیوسر محمد خالد بھٹی کی فلم مان جاﺅ نہ سے اپنے فلمی کیریئر کا آغاز کر دیا ہے۔ ذرائع نے انکشاف کیا کہ پاکستانی فنکاروں کیساتھ ساتھ انہوں نے ایرانی ماڈل و اداکارہ مندانہ کریمی کو مذکورہ فلم میں کاسٹ کیا ہے اورخفیہ طور پر ان کا کام فلمائے جانے کی بھی اطلاعات ہیں،مندانہ کریمی ایرانی اور بین الاقوامی کمرشل کرنے کے بعد 2015 میں تین ماہ کے معاہدے پر ممبئی ایک پراڈکٹ کی ماڈلنگ کیلئے آئیں لیکن اب تک ممبئی میں ہی سکونت اختیار کئے ہوئے ہیں۔
