ممبئی (ویب ڈیسک ) بالی وڈ اداکار سنی دیول کے بیٹے کرن دیول ” پل پل دل کے پاس“ سے بالی وڈ میں انٹری دیں گے۔بھارتی میڈیا کے مطابق دھرمیندر کے پوتے کرن دیول اپنے والد سنی دیول کی ہدایت میں بالی ووڈ میں اپنے کریئر کا آغاز کرنے والے ہیںان کی پہلی فلم ان کے گھریلو بینر وجیتا فلمز کے تحت بنائی جارہی ہے۔کرن کو سب سے پہلے آدتیہ چوپڑا اپنے بینر یش راج فلمز کے ذریعے لانچ کرنا چاہ رہے تھے تاہم بات نہیں بن سکی۔فلم کی شوٹنگ رواں ماہ فروری میں شروع ہو گی جس کا نام ”پل پل دل کے پاس“ طے کیا گیا ہے۔فلم کی کہانی کا انکشاف فی الحال نہیں کیا گیا ہے،تاہم اطلاعات کے مطابق سنی اپنے بیٹے کو ایک رومانوی فلم کے ساتھ لانچ کر رہے ہیں۔فلم میں بھرپور ایکشن بھی ہوگا۔
