لاہور(کلچرل رپورٹر)ڈائریکٹرکاشف نثارکی نئی ڈرامہ سیریل”فرض“گزشتہ روزآن ایئر ہوگئی ہے جس کی کاسٹ میں سونیا مشعال،نعمان اعجاز، قوی خان، سلیم معراج،عنایت خان،آمنہ ملک،عذراآفتاب،ایمی خان اور دیگر شامل ہیں۔ ڈرامے کی کہانی ایک بہادر پولیس اہلکار کے گردگھومتی ہے اور یہ کردارسونیا مشعال نے کیا ہے۔اس ڈرامے میں عورت کو بہت مضبوط اور معاشرے کا اہم ستون دکھایا گیا ہے۔ڈرامے کے رائٹرعامررضاہیں۔ اس بارے میں سونیا مشعال کا کہنا ہے کہ میں نے ”فرض“میں بہت ہی منفرکردارکیا ہے جو روٹین سے یکسر مختلف ہے ،مجھے یقین ہے ہے شائقین اس سیریل میں بھی میری پرفارمنس پسند کریں گے۔
