اسلام آباد، ملتان، پشاور (مانیٹرنگ ڈیسک + نیوز ایجنسیاں) ڈی جی آئی ایس پی آر نے ایک بیان میں کہا ہے کہ شمالی وزیرستان میں دہشتگردوں کے دوبارہ منظم ہونے کی اطلاعات سامنے آنے کے بعد پاک فضائیہ کے طیاروں نے شرپسندوں کے ٹھکانوں کو نشانہ بنایا جس میں متعدد دہشت گرد مارے گئے اور ان کے ٹھکانے تباہ ہو گئے۔ پاک افغان بارڈر کے قریبی علاقہ میں بھی دہشت گردی کے ٹھکانوں کو نشانہ بنایا گیا، علاوہ ازیں حالیہ دہشتگردی کی لہر کے بعد ملک کے مختلف حصوں میں 28 دہشت گرد مارے گئے جبکہ افغانستان سے ٓانے والے دہشت گردوں اور سکیورٹی فورسز میں کرم ایجنسی کے مقام پر جھڑپ میں 11 دہشت گرد ہلاک ہو گئے۔ دریں اثناءپنجاب کے قصبے لیہ کے قریب ہونے والے ایک پولیس مقابلے میں5 دہشت گرد مارے گئے۔اس کے علاوہ پنجاب پولیس کے انسدادِ دہشت گردی ڈیپارٹمنٹ نے صوبے میں مختلف کارروائیوں میں درجنوں افراد کو حراست میں لے لیا ہے۔ ادھر پولیس نے سیالکوٹ میں غیرقانونی طور پر رہنے والے 42افغان شہریوں کو گرفتار کر لیا، جب کہ گذشتہ ہفتے لاہور کے چیئرنگ کراس پر ہونے والے خودکش حملے کے سہولت کاروں کو پکڑنے کی غرض سے کی جانے والی اسی طرح کی ایک اور کارروائی میں وزیر آباد میں 40 سے زیادہ افراد کو حراست میں لیا گیا۔لاہور پولیس نے سوشل میڈیا ویب سائٹ ٹوئٹر پر خبر دی ہے کہ لاہور بھر میں بھی ‘کومبنگ آپریشن’ کیے گئے ہیں، جن کے دوران شہریوں کی شناخت بایومیٹرک آلات کی مدد سے کی جا رہی ہے۔لاہور پولیس نے کہا ہے کہ اس دوران متعدد م۳شکوک افراد کو مزید تفتیش کے لیے حراست میں لیا گیا ہے۔ دریں اثناءافغانستان سے غیرقانونی طور پر پاکستان میں داخل ہونے کی کوشش کرنے والے 15 مبینہ دہشت گرد سیکیورٹی فورسز کی کارروائی کے دوران ہلاک ہوگئے۔میڈیا رپورٹ کے مطابق دہشت گردوں نے خیرایجنسی سے پاکستان میں داخل ہونے کی کوشش کی جس دوران سکیورٹی اہلکاروں نے انہیں گھیرے میں لے لیا ذرائع کے مطابق سکیورٹی اہلکاروں اور دہشت گردوں کے درمیان فائرنگ کے تبادلے میں 15 دہشت گرد ہلاک اور 2 اہلکار زخمی ہوگئے۔ کوئٹہ مےں سکےورٹی فورسز کی کاروائےا ں فائرنگ کے تبادلے مےں کا لعدم تنظےم کا کارند ہ جاں بحق ،فارن اےکٹ کے تحت62غےر ملکی گرفتار ،سکےورٹی ذرائع کے مطابق ہفتے اور اتوار کی درمےانی شب اےف سی اور حساس ادارے نے نےو سرےاب کے علاقے مےں کاروائی کرتے ہوئے فائرنگ کے تبادلے مےں کا لعدم تنظےم کے سر گرم رکن کو ہلا ک دےا اور اسکے قبضے سے اسلحہ برآمد کرلےا۔ لیہ سے کالعدم جماعت الاحرار کے 5 دہشت گرد مقابلے کے بعد مار دیئے گئے ¾3 تین دہشت گردفرار ہونے میں کامیاب ہو گئے۔ ملزمان کے قبضے سے اسلحہ بارود اور حساس مقامات کے نقشے برآمد کیے گئے۔ دہشت گرد ملتان میں واردات کرنا چاہتے تھے۔سی ٹی ڈی ترجمان نے بتایا کہ لیہ کی تحصیل چوبڑا میں دہشت گردوں کی موجودگی کی اطلاع تھی جس کے بعد اسنیپ چیکنگ سخت کردی گئی تھی، ایک گاڑی کو ناکے پر رکنے کا اشارہ کیا گیا تو دہشتگردوں نے فائرنگ کردی۔جوابی کارروائی میں 5 دہشت گرد مارے گئے اور3 دہشت گرد فرار ہو گئے جن کی تلاش کےلئے سرچ آپریشن شروع کر دیاگیا ۔ہلاک ہونے والے پانچ دہشتگرد وں کا تعلق کالعدم جماعت الاحرارسے ہے ۔ا±ن کے قبضے سے بڑی تعداد میں اسلحہ ، بارود اور حساس نقشے برآمد ہوئے ہیں۔ دہشتگردی کی حالیہ شدید لہر کے بعد جیلوں کی سکیورٹی کو ہائی الرٹ کر دیا گیا، قیدیوں کی ملاقات کے لئے آنے والوں کی کڑی نگرانی شروع کر دی گئتی۔ ذرائع کے مطابق دہشتگردی کے پے درپے واقعات کے بعد جیلوں کی سکیورٹی کو بھی سخت کر دیا گیا ہے۔ جن جیلوں میں دہشتگرد قید ہیں ان کی سکیورٹی انتظامات کا ازسرنوجائزہ لے کر ان میں پائی جانے والی خامیوں کو دور کیا جا رہا ہے۔ حالیہ دہشت گردی کے واقعات پر میرپور میں انتظامیہ، پولیس اور حساس اداروں کی مشترکہ کارروائی میں درجنوں غیر قانونی رہائش پذیر کو گرفتار کر لیا گیا، گرفتار ہونے والوں میں افغانی، نارتھ ساﺅتھ وزیرستان ایجنسی کے غیر قانونی لوگ شامل ہیں۔ پاک افغان سرحد اتوار کومسلسل تیسرے روز بھی ہر قسم کی آمدورفت کے لئے بند رہی۔ طورخم گیٹ بند ہونے کی وجہ سے پشاور میں کارخانو چیک پوسٹ کے قریب سیکڑوں مال بردار گاڑیوں اور کنٹینرز کی لمبی قطاریں لگ گئی ہیں جب کہ سرحد پر دونوں اطراف کے افراد کی پیدل آمد ورفت بھی بند ہے۔دوسری جانب چمن میں باب دوستی کی بندش سے بھی جہاں دو طرفہ تجارت معطل ہے وہیں نیٹو سپلائی اور پاک افغان ٹرانزٹ ٹریڈ بھی روک دی گئی ہے۔
