لاہور(کلچرل رپورٹر) ڈائریکٹر شاہدعزیزکی ڈرامہ سیریل”دکھ کم نہ ہوں گے“ کی ریکارڈنگ دوبارہ شروع ہوگی ہے جس میں حصہ لینے کے لئے اداکارہ عزیقہ ڈینئل کراچی سے لاہور پہنچ گئی ہیں جہاں انہوں نے گزشتہ روز دیگر فنکاروں کے ہمراہ کام کیا جس میں انعام خان،صبافیصل اور رزکمالی شامل ہیں ۔اس سیریل کا آغاز کچھ عرصہ پہلے کیا گیا تھا لیکن باقاعدہ ریکارڈنگ اب کی جارہی ہے ۔ڈرامے کی دیگر کاسٹ میں سیمی راحیل،عفان وحید ،کامران مجاہداور بابرعلی قابل ذکر ہیں۔اس سیریل کے پروڈیوسر اوررائٹر آصف حنیف مہر ہیں۔عزیقہ ڈینئل نے ”خبریں“ سے گفتگو کرتے ہوئے بتایا کہ ڈرامے میں میرا کردار کافی مشکل اور منفرد ہے جو شائقین کو ضرورپسند آئے گا۔ لاہورمیں پہلی بار کسی ڈرامے میں کام کررہی ہوں۔ اس کے ساتھ ساتھ میں پی ٹی وی لاہور مرکز کی سیریل”رسمیں“میں بھی کام کررہی ہوں جس کی آﺅٹ ڈور ریکارڈنگ مکمل کرلی گئی ہے جبکہ اب نیا سپیل بھی جلد ہی لاہورمیں شروع ہوگا۔ایک سوال کے جواب میں انہوں نے بتایا کہ میں کراچی میں کئی سیریلز میں کام کررہی ہوں جبکہ جلد ہی میرانیا سیریل”فریب“نجی ٹی وی سے آن ایئرہوگا۔عزیقہ ڈینئل نے مزید بتایا کہ مجھے کئی فلموں میں کام کی پیشکش بھی ہیں تاہم ابھی میرافوکس ٹی وی پر ہی ہے۔
