لاہور(کلچرل رپورٹر)اداکارہ کبریٰ خان نے کردارپسندنہ آنے پر معروف اداکار کی سیریل میں کام سے انکارکردیا۔ذرائع نے بتایا ہے کہ کبریٰ خان کو کراچی سے تعلق رکھنے والے ایک سینئراورمقبول اداکارنے اپنی نئی سیریل میں کام کی پیشکش کی جس پر انہوں نے کہا کہ میں سکرپٹ پڑھنے کے بعدفیصلہ کروں گی لیکن انہوں نے چندروزبعد سکرپٹ واپس کرتے ہوئے یہ جواب دیا کہ میں یہ ڈرامہ نہیں کرسکتی کیونکہ مجھے کردارپسندنہیں ہے جبکہ ذرائع کا دعویٰ ہے کبریٰ خان نے کسی اور وجہ سے انکارکیا کیونکہ دوڈراموں کی مقبولیت کے بعد ان کے رویئے میں تبدیلی آگئی ہے۔یادرہے کہ کبریٰ خان بیرون ملک مقیم تھیں جنہیں فلم”نامعلوم“افرادکے ذریعے پاکستان میڈیا انڈسٹری میں متعارف کرایا گیا جس کے بعد انہوں نے مزیدکام کیا ۔ان دنوں کبریٰ خان کے دوڈرامے”سنگ مرمر“اور”مقابل“آن ایئر ہیں۔ اس بارے میں کبریٰ خان کا موقف معلوم نہیں ہوسکا۔
