شبنم نے مرضی سے عروج کے دنوں میں انڈسٹری چھوڑی

لاہور(کلچرل رپورٹر)پروڈیوسرسہیل خان نے اپنے ایک بیان میں کہا ہے کہ اداکارہ شبنم نے پاکستان سے عزت کمائی لیکن ان کی تمام وفاداریاں اپنے ملک بنگلہ دیش سے ہیں جہاں بہت سے لوگ اب بھی پاکستان کی مخالفت کرتے ہیں۔ شبنم نے اپنی مرضی سے عروج کے دنوں میں انڈسٹری چھوڑی تھی جس کے بعد وہ بنگلہ دیش چلی گئیں ۔ بعدمیں وہ جب بھی پاکستان آئیں ہمارے میڈیا نے اسے سرپربٹھایا اور یہ ثابت کرنے کی کوشش کی شبنم نے کوئی شاندارکارنامہ سرانجم دیا ہے۔سہیل خان نے مزیدکہا کہ اگر شبنم ہماری انڈسٹری سے مخلص تھیں تو انہیں بحران کے دنوں میں ہماری فلموں میں کام کرنا چاہیئے تھا لیکن شبنم نے شہرت کے ساتھ ساتھ پاکستان سے پیسہ کماکراپنے ملک منتقل کیا جہاں بہت سے لوگ آج بھی پاکستان کا وجودتسلیم کرنے کے لئے تیارنہیں ہیں دوسری طرف شبنم کو پاکستان میں سرآنکھوں پر بٹھایا جارہا ہے۔