اسلام آباد (خصوصی رپورٹ) حکمران جماعت نے پاناما کیس کا فیصلہ وزیر اعظم کے خلاف آنے کی صورت میں فوری الیکشن کروانے پر غور شروع کر دیا ہے۔ مسلم لیگ نون کی اعلی قیادت نے تین ہفتوں میں چار بار مشاورت کی ہے۔ ن لیگ کو عدالت سے سرخرو ہونے کا یقین ہے پھر بھی تمام ممکنات پر تبادلہ خیال کیا جا رہا ہے۔ وزیر اعظم کی صاحبزادی مریم نواز کو لاہور سے الیکشن لڑانے کا حتمی فیصلہ بھی ہو چکا ہے۔ذرائع کے مطابق حکومتی قانونی ماہرین پرامید ہیں کہ تحریک انصاف نے یسی قانونی بنیاد فراہم نہیں کی جس کی بنیاد پر وزیر اعظم کو گھر بھیجا جا سکے۔ مشاورتی اجلاسوں میں نوے فیصد رہنماں نے رائے دی کہ فیصلہ اگر خلاف آئے تو عوامی عدالت سے رجوع کیا جائے۔لیگی رہنماں کا کہنا تھا کہ الیکشن کیلئے مسلم لیگ ن کی تیاری مکمل ہے جبکہ پیپلز پارٹی سندھ تک محدود ہے۔ تحریک انصاف انتخابی تیاری کے بجائے سارا وقت احتجاجی سیاست میں لگی رہی ہے۔ ذرائع کے مطابق الیکشن جب بھی ہوئے مریم نواز لاہور سے الیکشن لڑیں گی۔ تمام لیگی وزرا اور رہنماں نے نواز شریف پر مکمل اعتماد کا اظہارکیا ہے۔
