اسلام آباد(ّویب ڈیسک)ملک کے بیشتر بالائی علاقوں میں مطلع جزوی طور پر ابر آلود رہے گا ، کشمیر اور اس سے ملحقہ پہاڑی علاقوں میں چند مقامات پر تیز ہواﺅں اور گرج چمک کیساتھ ہلکی بارش ہو سکتی ہے۔محکمہ موسمیات کے مطابق آئندہ 48گھنٹوں کے دوران ملک کے بیشتر علاقوں میں موسم سرد اور خشک رہے گاتاہم کوئٹہ، قلات، مکران ،ژوب، مالاکنڈ، ہزارہ ڈویژن، گلگت بلتستان، فاٹا، کشمیر اور اس سے ملحقہ پہاڑی علاقوں میں چند مقامات پر تیز ہواوں اور گرج چمک کے ساتھ بارش کا امکان ہے۔گزشتہ روز کے دوران ملک کے بیشتر علاقوں میں موسم خشک رہاتاہم کوئٹہ، ژوب، مکران ڈویژن اور فاٹا میں چند مقامات پر تیز ہواں اور گرج چمک کیساتھ بارش جبکہ سبی، لاڑکانہ، گوجرانوالہ، ملتان، بہاولپور،سرگودھا اور ڈی جی خان ڈویژن میں بوندا باندی ہوئی۔ سب سے زیادہ بارش بلوچستان کے دارالحکومت کوئٹہ شیخ ماندہ18، منگلی17، تربت11، خضدار09،ژوب07، خیبرپختونخوا: پاراچنار14 ملی میٹر ریکارڈ کی گئی ۔جمعرات کو ریکارڈ کیے گئے سرد ترین مقامات کے درجہ حرارت کے مطابق مالم جبہ میں منفی 02، گوپس، استور منفی 01 جبکہ لاہور میں کم سے کم 12، اسلام آباد09، کراچی 19،پشاور11، کوئٹہ 05،گلگت 06، چترال 04اور ہنزہ میں 02ڈگری سینٹی گریڈ تک رہنے کا امکان ہے ۔
