±ممبئی (ویب ڈیسک)بولی وڈ اداکار رنبیر کپور بہت جلد سنجے دت کی زندگی پر بننے والی فلم میں مرکزی کردار ادا کرتے نظر آئیں گے اور ظاہر ہے اس کے لیے انہیں سنجے دت جیسا نظر آنا بھی بے حد ضروری ہے۔رنبیر کپور اس فلم میں سنجے دت کی تنازعات سے بھرپور زندگی کو پیش کریں گے، لیکن ان کے لیے مشکل صرف یہی نہیں بلکہ سنجے جیسا نظر آنا بھی ایک مسئلہ ہے جس کے لیے انہوں نے اپنا اچھا خاصا وزن بڑھا لیا ہے۔ میڈیا رپورٹ کے مطابق اس حوالے سے رنبیر کپور کا کہنا تھا، ‘میرے لیے یہ ایک متاثر کن سفر ہوگا کہ میں اسکرین پر سنجے دت کے روپ میں نظر آو¿ں گا، میں نے اس سے قبل کبھی اتنا زیادہ وزن نہیں بڑھایا اور اب میں فلم کے دوسرے مرحلے کے لیے کچھ وزن کم بھی کروں گا’۔اس فلم کی ہدایات راج کمار ہیرانی دے رہے ہیں، جو اس سے قبل سنجے دت کے ساتھ 2003 کی فلم ‘م±نا بھائی ایم بی بی ایس’ اور اس کے سیکوئل میں کام کرچکے ہیں۔راج کمار ہیرانی سنجے دت کی اس فلم میں اداکار کی زندگی کے 7 پہلوو¿ں کو پیش کرنے کا ارادہ کررہے ہیں، جس سے ایسا محسوس ہوتا ہے کہ رنبیر کپور فلم میں کئی منفرد روپ ادا کرتے نظر آئیں گے۔رنبیر کپور ہدایت کار راج کمار ہیرانی کے ساتھ کام کرنے کے حوالے سے بھی کافی پرجوش ہیں۔اس حوالے سے انہوں نے بتایا کہ ‘راج کمار ہیرانی جیسے ہدایت کار کے ساتھ کام کرنا ایک بہترین تجربہ ہوگا’۔اس فلم کے نام کا اعلان اب تک نہیں کیا گیا، البتہ رنبیر کپور اپنی فلم ‘جگا جاسوس’ کے مکمل ہونے کے بعد اس کی تشہیر کا آغاز کریں گے۔
