لاہور (چینل ۵ رپورٹ) پاکستان میں کوکا کولا کے 70 سال مکمل ہونے پر گزشتہ روزمقامی ہوٹل میں شاندار تقریب کا انعقاد کیا گیا جس میں مختلف شعبہ ہائے زندگی سے تعلق رکھنے والی اہم شخصیات نے کثیر تعداد میں شرکت کی۔ اس موقع پر کنٹری ہیڈ کوکا کولا رضوان اللہ خان نے کوک کے کامیابی کے 70 سال پر روشنی ڈالتے ہوئے کہا کہ کوکا کولا کو پاکستان ہی نہیں دنیا بھرمیں پذیرائی ملی ہے اور ہم کوشش کر رہے ہیں کہ ہم اپنے صارفین کے معیار پر پورا اترتے رہیں اور یقین دلایا کہ ہم کوالٹی کے معیار پر کبھی سمجھوتہ نہیں کریں گے۔ اس تقریب میں ٹاپ ماڈلز نے ریمپ واک میں حصہ لیا ، صوفی میوزک بھی بجایا گیا اور ڈھول پر پرفارمنس بھی پیش کی گئی۔
