چارلسٹن ۔ 06 اپریل (ویب ڈیسک) سٹار بھارتی کھلاڑی ثانیہ مرزا اور انکی جمہوریہ چیک کی جوڑی دار اینڈریا ہلاوا کووا چارلسٹن اوپن ٹینس ٹورنامنٹ ویمنز ڈبلز کے کوارٹر فائنل میں پہنچ گئیں۔ انہوں نے پری کوارٹر فائنل میں روس کی ڈاریا کاسٹ کینا اور انکی آسٹریلین جوڑی دار ڈاریا گوریلووا کو شکست دیکر ایونٹ کے ٹاپ ایٹ کے لئے کوالیفائی کرلیا۔ تفصیلات کے مطابق امریکی ریاست چارلسٹن میں جاری ایونٹ کے ویمنز ڈبلز ایونٹ کے پری کوارٹر فائنل میچ میں سٹار بھارتی کھلاڑی ثانیہ مرزا اور انکی جمہوریہ چیک کی جوڑی دار اینڈریا ہلاوا کووا نے روس کی ڈاریا کاسٹ کینا اور انکی آسٹریلین جوڑی دار ڈاریا گاوریلووا کو پہلے سیٹ میں 1-6 کی شکست کے باوجود اگلے سٹریٹ سیٹس میں 6-3 اور 10-3 سے ہرا کر ایونٹ کے کوارٹر فائنل کے لئے کوالیفائی کرلیا۔
