لاہور(کلچرل رپورٹر)اداکارہ وینا ملک اپنا پروڈکشن ہاﺅس دوبارہ فعال کرنے میں مصروف ہیں جس کے بعد وہ جلد ہی ڈرامہ سیریل اور ایک شوشروع کریں گی۔ذرائع نے بتایا ہے کہ ویناملک نے دوبارہ پروڈکشن کا فیصلہ کرتے ہوئے کیمرے اور دیگر تکنیکی سامان خریدلیا ہے جبکہ ان دنوں وہ ایک ایسے شخص کی تلاش میں ہیں جو ان کا پروڈکشن ہاﺅس فعال کرسکے۔یہ امرقابل ذکرہے کہ وینا ملک نے لاہورمیں سات سال قبل بھی اپنا پروڈکشن ہاﺅس شروع کرتے ہوئے ڈرامہ سیریل”کچے دھاگے“بنائی تھی لیکن جو بعض وجوہات کی بنا پر آن ایئرنہیں ہوسکی تھی جس کے کچھ ہی عرصہ بعد ویناملک نے پروڈکشن بندکرتے ہوئے تمام کیمرے اور تکنیکی سامان بھی فروخت کردیا۔ذرائع نے بتایا ہے کہ اب وینا ملک ایک نجی ٹی وی کے لئے ڈرامہ سیریل اور شوبنائیں گی جس کی تیاری ان دنوں جاری ہے۔
