لاہور(کلچرل رپورٹر)گلوکارہ شاہدہ منی نے ”خبریں“سے گفتگو کرتے ہوئے کہا ہے کہ میں ٹیکس چھپانا قومی جرم سمجھتی ہوں اس لئے ہرسال باقاعدگی سے ٹیکس اداکرتی ہوں مجھے نہ تو پہلے اور نہ ہی اب کوئی نوٹس جاری کیا گیا۔ انہوں نے کہا میں پاکستان کے کئی بڑے بڑے سیاستدانوں سے زیادہ ٹیکس اداکرتی ہوں ،میں نے گزشتہ سال کے تمام ٹیکس اداکردیئے ہیں لیکن اس کے باوجود اکثر اس طرح کی بے بنیاد افواہیں پھیلائی جاتی ہیں کہ مجھے ایف بی آر کی طرف سے نوٹس جاری کیا گیا ہے ۔انہوں نے کہا کہ مجھے ایف بی آر سمیت کسی بھی ادارے کی طرف سے نوٹس جاری نہیں کیا گیا۔ایک سوال کے جواب میں شاہدہ منی نے بتایا کہ میں سال2016میں 8لاکھ93ہزار روپے ٹیکس اداکیا جس کا ریکارڈ بھی موجود ہے ،میں سمجھتی ہوں کہ تمام لوگوں کو ایمانداری سے ٹیکس اداکرنا چاہیئے کیونکہ اس سے ملکی ترقی کا پہیہ چلتا ہےدریں اثنا گزشتہ روز شاہدہ منی کے ماموں کے انتقال پر شوبزسے وابستہ بہت سے لوگوں نے ان سے تعزیت کی۔
