واشنگٹن(اے پی پی) امریکی دختر اول ایوانیکا ٹرمپ نے کہا ہے کہ والد کے ساتھ کام کرتے ہوئے انہیں وحشت ناک ماحول کا سامنا کرنا پڑا ہے۔ واشنگٹن میں امریکی ٹی وی چینل کو انڑویو دیتے ہوئے ایوانیکا ٹرمپ کا کہنا تھا کہ واشنگٹن میں بدنیتی کا ماحول ہے جب وہ جنوری میں دارالحکومت پہنچیں تو انہیں اس بات کا اندازہ نہ تھا۔ انہوں نے کہا کہ ڈونلڈ ٹرمپ سابق ایف بی آئی سربراہ کے الزامات کے باوجود مستقبل کے حوالے سے پرامید ہیں۔ اپنے شوہر جیریڈ کے حوالے سے انھوں نے کہا کہ وائٹ ہاو¿س اور جریڈ کے درمیان افواہوں کو پھیلایا گیا اور میڈٰیا نے ضرورت سے زیادہ جریڈ پر الزامات کو ہوا دی ہے۔ واضح رہے کہ امریکی انتخابات میں روسی مداخلت کے معاملے پر ڈونلڈ ٹرمپ کے داماد جیریڈ پر بھی سنگین الزمات ہیں جس پر انہیں سینٹ کے سامنے پیش ہونا پڑے گا۔
