” جب ہیری میٹ سجل “ میں کوئی قابل اعتراض چیز نہیں

ممبئی(شوبز ڈیسک) بالی وڈ اداکار شاہ رخ خان نے کہا ہے کہ ان کی فلم” جب ہیری میٹ سجل “ میں کوئی قابل اعتراض چیز نہیں ہے۔ بھارتی ذرائع ابلاغ کے مطابق اداکار شاہ رخ خان نے کہا ہے کہ ان کی فلم” جب ہیری میٹ سجل “ میں کوئی قابل اعتراض چیز نہیں ہے ،فلم کو جس طرح لوگوں نے سپورٹ کیا اور ووٹ کیا ہے انہیں ضرور فلم دیکھنی چاہیئے۔انہوں نے کہا کہ ہم سنسر بورڈ کی بہت عزت کرتے ہیں ،وہ اپنا کام کر رہے ہیں اور ہم اپنا کام کر رہے ہیں۔انہوں نے کہا کہ انہیں بہت خوشی ہے کہ فلم کے ٹریلز پر لوگوں کے مثبت ردعمل پر انہیں بے حد خوشی ہے ۔ فلم رواں سال 4 اگست کو ریلیز کی جائے گی۔