اسلام آباد(شوبز ڈیسک) ملک کے نامور اور مجھے ہوئے سینئر اداکارعابد علی نے کہا ہے کہ اپنی پوری فنی زندگی میں کبھی معیار پر سمجھوتہ نہیں کیا آج بھی معیاری کام کا قائل ہوں اور جتنا مرضی بڑا نقصان ہو جائے معیار پر سمجھوتہ نہیں کرتا ۔ ایک انٹر ویو میں اداکار عابد علی نے کہا کہ نوجوان اداکاروں کو یہ سوچ کر کام کرنا چاہیے کہ وہ جتنا کام کریں گے اتنا ہی انکے کام میں پختگی آئے گی ۔اورجو بھی کردار ملے اسے حقیقت کے قریب تر ہو کر نبھانا چاہیے ۔ انہوں نے کہا کہ اگر اپنے کلچر کو فروغ دینا ہے تو فنکاروں کی حوصلہ افزائی اور انہیں عزت دینا ہو گی ۔ انہوں نے کہا کہ آج اللہ نے جو عزت دی ہے اس کی وجہ یہی ہے کہ اپنی پوری فنی زندگی میں کبھی معیار پر سمجھوتہ نہیں کیا۔
