لاہور(شوبز ڈیسک)پاکستان کی ابھرتی ہوئی اداکارہ سجل علی نے کہا ہے کہ عوام نے جتنی مجھے عزت و شہرت بخشی اس پر ان کی مشکور ہوں،ابھی تو کیریئر کی شروعات ہیں اور میری منزل بہت دور ہے جہاں تک پہنچنے کیلئے تھوڑا مزید وقت لگے گا۔ایک انٹرویو میں اداکارہ نے کہا کہ شوبز کی دنیا میں اس لئے آئی کہ شہرت کی بلندیوں کو چھو جاﺅں اور عوام نے جتنا میرا کام پسند کیا میں اس پر ان کی مشکور ہوں تاہم مزید شہرت حاصل کرنا چاہتی ہوں کیونکہ ابھی تو میرا کیریئر شروع ہوا ہے اور میری منزل بہت دور ہے جس حاصل کرنے کیلئے مزید کچھ وقت درکار ہے۔ایک سوال کے جواب میں انہوں نے کہاکہ سٹیج ڈراموں میں کام کرنے کا مجھے کوئی شوق نہیں ہے اور اس طرف جانا بھی نہیں چاہتی کیونکہ میں اپنے کیریئر کو صاف ستھرارکھنا چاہتی ہے۔
![](https://dailykhabrain.com.pk/wp-content/uploads/2016/12/sajal.jpg)