کراچی (شوبز ڈیسک) شوبز ستا روں نے بھی شوبز کرکٹ الیون کو بہتر طور پر ملک گیر سطح پر متعارف کرانے کا فیصلہ کرلیا جس کیلئے ابتدائی طور پر فیصل قریشی اور ہمایوں سعید میدان عمل میں آگئے۔ ان فنکاروں نے نئے کھلاڑیوں کی تلاش کیلئے اپنی اپنی ٹیمیں تشکیل دے دی ہیں۔ گزشتہ شب فیصل قریشی نے کراچی کے شہزادے کے عنوان سے منعقد ہونیوالے ٹورنامنٹ کی افتتاحی تقریب میں گفتگو کرتے ہوئے کہا کہ بطور فنکار ہم پاکستان میں کرکٹ کو فر وغ دینے میں اپنا کردار ادا کرنا چاہتے ہیں۔ نئے ٹیلنٹ کو تلاش کرنے کیلئے اپنی ٹیم بنائی ہے۔
، ہمایوں سعید کی اپنی ٹیم ہے ،مستقبل قریب میں ہم سب فنکار بھی اپنی کرکٹ ٹیم کو مزید بہتر کرکے ٹورنامنٹ کا حصہ بننے کی کوشش کرینگے۔علاوہ ازیں عدنان صدیقی، فہد مصطفی، اعجاز اسلم، ساجد حسن، شبیر جان و دیگر فنکاروں نے بھی پریکٹس میچز کی منصوبہ بندی کرلی ہے۔
