پیٹرسن جنوبی افریقہ کی جانب سے انٹر نیشنل کرکٹ میں واپسی کیلئے پر امید

لندن(آن لائن) کیون پیٹرسن کا کہنا ہے کہ انہوں نے جنوبی افریقہ کی جانب سے انٹر نیشنل کرکٹ کھیلنے کے دروازے ابھی بند نہیں کیے ہیں ۔ کیون پیٹرسن 2019میں جنوبی افریقہ کی نمائندگی کے اہل ہوجائیں گے کیوں کہ وہ 2013-14کے بعد سے انگلینڈ کے لیے انٹر نیشنل کرکٹ نہیں کھیلے ہیں۔انگلش نیٹ ویسٹ ٹی ٹونٹی بلاسٹ میں سرے کے لیے دھواں دھار نصف سنچری سکور کرنے کے بعد جب ایک صحافی نے اس بارے میں پیٹرسن سے سوال کیا تو ان کا کہنا تھا کہ آپ دو سال بعد کی بات کررہے ہیں ،کیا میں یہ کرپاں گا ؟ ،کون جانتا ہے،ہمیں ابھی انتظار کرنا اور دیکھناہے کہ دو سال بعد میں کہاں کھڑا ہوں گا ۔پیٹر سن کا مزید کہنا تھا کہ وہ اگلے دو برس جنوبی افریقہ میں بہت کرکٹ کھیلیں گے لہذ ا ہم دیکھیں گے ، مجھے بیٹنگ پسند ہے اورجب تک اس سے محبت رہے گی میں بلے بازی کرتا رہوں گا ،اب میں بوڑھاہوچکاہوں اور ابھی ابھی زخمی ہوا ہوں ،کون جانتا ہے 2سال بعد میں کہاں ہوں گا ،اگر اس وقت بھی میں بیٹنگ سے لطف اندوز ہوتا رہا تو ہم دیکھیں گے کہ تب کیا ہوگا ۔#/s#