لاہور(شوبز ڈیسک) نامور ہدایتکارہ عاصمہ بٹ نے کہا ہے کہ بالی ووڈ کی طرح لالی ووڈ کو بھی سمارٹ ہیروئنز کی کھیپ میسر آ گئی ہے لیکن پنجابی فلموں کےلئے دور دور تک کوئی ہیروئن نظر نہیں آرہی ۔ ایک انٹر ویو میں انہوں نے کہا کہ انہوں نے کہا کہ پاکستانی فلم انڈسٹری کو مائرہ خان ،سجل علی، ماورا حسین،مہوش حیات ، سوہا علی ابڑو،ثناءجاوید،سحر ش خان ، صباءقمر کی صورت میں سمارٹ ہیروئنز مل گئی ہیں جنہیں سینئرز کے تجربے سے استفادہ کرکے اپنے کام میں پختگی لانی چاہیے ۔
انہوں نے کہا کہ دوسری طرف پنجابی فلموں کے لئے ہیروئن نظر نہیں آرہی اور اس کےلئے ہمیں اردو کے ساتھ پنجابی فلموں کی طرف بھی توجہ دینا ہو گی ۔ موجودہ دور میں سارا بوجھ اکیلی صائمہ نور کے اوپر ہے ۔ انہوں نے کہا کہ ہماری فلم پنجابی فلموں کے لئے آسیہ ، انجمن، ممتاز، نیلی اور صائمہ نور کا متبادل پیدا نہیں کر سکی لیکن موجودہ حالات میں ہمیں اس طرف خصوصی توجہ دینے کی ضرورت ہے۔
