اسلام آباد(ویب ڈیسک)عائشہ گلا لئی کو نا اہل قرار دینے کی درخواست خارج۔اسلام آباد ہائی کورٹ نے محفوظ فیصلہ سنا دیا۔ تفصیلات کے مطابق جسٹس عامر فاروق نےتحریک انصاف کی منحرف رہنما عائشہ گلالئی کو نا اہل قرار دینے کی درخواست پر کیس کی سماعت کرتے ہوئے فیصلہ محفوط کر لیا تھا جو کہ اب سنا دیا گیا۔عدالت نے اپنے فیصلے میں درخواست کو نا قابل سماعت قرار دیتے ہوئے خارج کر دیا ہے۔
واضح رہے کہ تحریک انصاف کی منحرف خاتون رہنما کے خلافدرخواست گزار نے الیکشن کمیشن، اسپیکر قومی اسمبلی اور عائشہ گلالئی کو فریق بناتے ہوئے۔ موقف اختیار کیا تھا کہ عائشہ گلالئی نے عمران خان پر جھوٹے الزامات لگائے، عوامی مینڈیٹ کی توہین کی گئی۔ عمران خان کے خلاف عدالتی کاروائی کے بجائے صرف الزامات لگائے۔درخواست میں عدالت سے استدعا کی گئی کہ عائشہ گلالئی کو نا اہل قرار دے کر قومی اسمبلی کی سیٹ واپس لی جائے۔ اب وہ عوامی نمائندگی ایکٹ کے تحت قومی اسمبلی کی سیٹ کی اہل نہیں رہی۔
