لاس اینجلس (شوبز ڈیسک)کنگ آف پاپ مائیکل جیکسن کی ویڈیو تھرلر کا تھری ڈی ورژن وینس فلم فیسٹول میں ریلیز کر دیا گیا ۔ مائیکل جیکسن کا بھوت 35 برس بعد زندہ ہو گیا لیکن ان کی شہرہ آفاق میوزک ویڈیو تھرلر میں ، اور اس بار وہ سکرین سے باہر دیکھنے والے کے سامنے ہو گا کیونکہ اسے تھری ڈی میں ریلیز کیا گیا ہے ۔تھرلر کے تھری ڈی ورژن کی ریلیز کا اعلان ویڈیو کے پروڈکشن ڈائریکٹر جان لینڈس نے وینس فلم فیسٹول کے موقع پر ایک پریس کانفرنس میں کیا ۔ انہوں نے کہا جب انہیں تھرلر تھری ڈی میں بنانے کا آئیڈیا دیا گیا تو وہ اچھل پڑے ۔ لینڈس نے کہا 35 برس پہلے جب مائیکل نے تھرلر بنانے کا خیال پیش کیا تو انہیں وہ ایک ناکام آئیڈیا لگا لیکن جب ویڈیو لانچ کی گئی تو وہ ہٹ ہو گئی ۔

ممبئی(شوبز ڈیسک)بالی ووڈ اداکار سلمان خان نے اپنے مداح کا موبائل فون توڑ ڈالا جس پر تقریب میں موجود حاضرین اور مداح حیران ہوگئے دبنگ خان اپنے غصے کی وجہ سے بالی ووڈ میں ایک الگ پہچان رکھتے ہیں اور وہ کئی بار مداحوں اور میڈیا سے بدتمیزی بھی کر چکے ہیں مگر اس بار تو انہوں نے مداح کا موبائل ہی توڑ ڈالابالی ووڈ میں سلمان خان کے غصے سے ہر کوئی ڈرتا ہے ۔

۲۲اور یہی وجہ ہے کہ میڈیا کے نمائندے بھی ان سے سوال پوچھنے سے کتراتے ہیں مگر گزشتہ دنوں ایک تقریب میں دبنگ خان کے ساتھ عجیب اور دلچسپ واقع پیش آیا۔بھارتی میڈیا رپورٹس کے مطابق سلمان خان ایک ایوارڈ شو کی تقریب میں شریک تھے جہاں وہ اپنے خاندان اور فیملی کے دوستوں کے ساتھ باتوں اور تفریح میں مصروف تھے کہ اس دوران ایک مداح نے ان کو مخاطب کرتے ہوئے اپنا موبائل دکھایا اور کہا کہ یہ ’ان بریک ایبل‘ یعنی نہ ٹوٹنے والا موبائل ہے، سلو میاں مداح کی طرف دیکھ کر مسکرائے اور دوبارہ سے باتوں میں مصروف ہو گئے مگر وہ بار بار موبائل کے حوالے سے بات کرتا رہا جس پر سلمان خان کو غصہ آ گیا۔رپورٹس کے مطابق دبنگ خان نے مداح سے موبائل لے کر اسے زور سے زمین پر دے مارا مگر وہ حقیقت میں نہیں ٹوٹا جس پر سلو میاں نے موبائل کو اٹھا کر دوبارہ زمین پر مارا، کئی بار یہ عمل دہرانے کے بعد بھی موبائل نہیں ٹوٹا مگر دبنگ خان بھی کہاں ہمت ہارنے والے تھے انہوں نے بلاآخر موبائل کو توڑ ہی ڈالا اور اس کے ٹکڑے اٹھا کر مداح کو دیتے ہوئے طنزیہ انداز میں کہا یہ لو تمہارا ’ان بریک ابیل‘ موبائل تقریب میں موجود تمام افراد سلو میاں کی اس حرکت سے محظوظ ہوتے رہے لیکن اس کے ساتھ ساتھ تقریب میں موجود اکثر حاضرین کا کہنا تھا کہ سلمان خان کو اپنے مداح کے ساتھ ایسا نہیں کرنا چاہئے تھا ۔

ممبئی ( شوبز ڈیسک)بالی ووڈ اداکارہ کترینہ کیف نئی آنے والی فلم ریس 3 میں مرکزی اداکار نبھانا چاہتی تھیں جس کے لیے ان کا نام بھی لیا جارہا تھا تاہم اب وہ فلم کی کاسٹ سے باہر ہوگئیں۔ بھارتی میڈیا رپورٹس کے مطابق بالی ووڈ میں نئی آنے والی فلم ریس 3 میں سلمان خان تومرکزی کردارادا کرہی رہے ہیں تاہم مرکزی اداکارہ کے لیے اداکارہ جیکولن فرنانڈس کا نام فائنل کیا گیا ہے جب کہ اس سے قبل اداکارہ کترینہ کیف کا نام سامنے آرہا تھا۔کترینہ کیف کا نام فلم ریس 3 کی کاسٹ سے اس لیے نکالا گیا کیونکہ سلمان خان ان کے ساتھ نئی آنے والی فلم ’ٹائیگر زندہ ہے‘ میں جلوہ گرہوں گے جس کے بعد سلو میاں نہیں چاہتے ۔
کہ ایک ہی وقت میں کترینہ کے ساتھ دودوفلموں میں کام کریں۔اس حوالے سے میڈیا رپورٹس کے مطابق اداکارہ کترینہ اپنا نام فلم کی کاسٹ سے جوڑنے پربہت غصہ ہوئیں ہیں جب کہ انہوں نے فلم کا مرکزی کردارنبھانے کی باتوں کی بھی تردید کردی ہے۔ اداکارہ نے کہا کہ اس طرح کی میڈیا رپورٹس من گھڑت اورجھوٹی ہیں کہ میں فلم میں مرکزی کردار ادا کرنا چاہتی تھی، میں ایک پروفیشنل اداکارہ ہوں جب کہ ہرمعاملے میں میرا نام گھسیٹا بہتر نہیں۔ اداکارہ کے دفاع میں مزید کہا گیا کہ وہ بہت محنتی اداکارہ ہیں جو آج کل اپنی نئی آنے والی فلموں کے پراجیکٹس میں بہت مصروف ہیں۔

لاہور (شو بز ڈیسک) معروف دانشور اشفاق احمد کی 13 ویں برسی آج منائی جائیگی 50 برس تک اپنے قلم سے بے شمار شاہکار کھیل تخلیق کرنے والے اردو افسانہ نگار‘ ڈرامہ نگار اور نثر نگار اشفاق احمد بھارتی شہر فیروز پور میں پیدا ہوئے گورنمنٹ کالج لاہور سے ایم اے کیا۔ نیویارک یونیورسٹی سے براڈکاسٹنگ کی خصوصی تربیت حاصل کی۔اشفاق احمد ان نامور ادیبوں میں شامل کئے جاتے ہیں جو قیام پاکستان کے فوراً بعد ادبی افق پر نمایاں ہوئے لاکھوں دلوں میں بسنے والے اور اپنے ناولوں سے مشہورشہرہ آفاق رائٹر جگر کی رسولی کے باعث سات ستمبر 2004ءکو 79 سال کی عمر میں خالق حقیقی سے جاملے اشفاق احمد کے مشہور افسانوں میں ایک محبت سو افسانے، اجلے پھول، کھیل کہانی، ایک محبت سو ڈرامے اور توتا کہانی ان کی نمایاں تصانیف ہیں۔
انیس سو پینسٹھ سے انہوں نے ریڈیو پاکستان لاہور پر ہفتہ وار فیچر پروگرام تلقین شاہ کے نام سے شروع کیا جو اتنا مقبول ہوا کہ تیس سال سے زائد تک آن ائیر ہوا۔

ممبئی (شوبز ڈیسک) بالی وڈ گلوکار کمار سانو نے کہا ہے کہ بھارتی گانے شاعرانہ اقدار کھوتے جا رہے ہیں۔ بھارتی ذرائع ابلاغ کے مطابق گلوکار کمار سانو نے کہا ہے کہ وہ اب علاقائی فلموں کے لئے گانے کو ترجیح دیتے ہیں کیونکہ ہندی فلموں میں گانوں کے بولوںکا معیار اور شاعرانہ اقدار خراب ہوتا جا رہا ہے۔ انہوں نے کہا کہ 1990 کی دہائی میں ہندی فلموں کے گانوں کی میلوڈی اور شاعری بہت خوبصورت ہوتی تھی جو روح کی تسکین ہوتے تھے جبکہ آج کے دور کے فلمی گانے صرف ایک محدود مدت تک اچھے لگتے ہیں اور اس کے بعد بوریت کا باعث بن جاتے ہیں۔، اس کے برعکس علاقائی گانوں کی شاعری بہت اچھی ہوتی ہے۔

لاہور (شوبز ڈیسک) اداکارہ لیلیٰ نے گلوکارہ نغمانہ جعفری کے گائے ہوئے گانے ” میں ہوں مغرور لیلیٰ“ کی ویڈیو بنانے کا اعلان کر دیا ۔ اداکارہ لیلیٰ نے ایک انٹرویو کے دوران کہا کہ گلوکارہ نغمانہ جعفری میری بہترین دوست ہیں اور انہوں نے مجھے واچ کرنے کے بعد میرے لیے ہی ” مغرور لیلیٰ “ کا گانا لکھا تھا جو سپر ہٹ ہوا اور اب میں اپنی دوست کے گانے کی ویڈیو بناﺅں گی ۔ انہوں نے کہا کہ میری سدا بہار جوانی کا راز یہ ہے کہ میں نے کبھی میک اپ نہیں کیا اور نہ کوئی مصنوعی چیزیں چہرے پر استعمال کرتی ہوں ، صرف دو سال قبل میں نے فیس واش استعمال کیا تھا ۔ جو اداکارہ میک اپ کا سہارا لیتی ہیں ان کے چہرے پر جھریاں جلدی پڑ جاتی ہیں۔