ممبئی (شوبز ڈیسک) بالی وڈ گلوکار کمار سانو نے کہا ہے کہ بھارتی گانے شاعرانہ اقدار کھوتے جا رہے ہیں۔ بھارتی ذرائع ابلاغ کے مطابق گلوکار کمار سانو نے کہا ہے کہ وہ اب علاقائی فلموں کے لئے گانے کو ترجیح دیتے ہیں کیونکہ ہندی فلموں میں گانوں کے بولوںکا معیار اور شاعرانہ اقدار خراب ہوتا جا رہا ہے۔ انہوں نے کہا کہ 1990 کی دہائی میں ہندی فلموں کے گانوں کی میلوڈی اور شاعری بہت خوبصورت ہوتی تھی جو روح کی تسکین ہوتے تھے جبکہ آج کے دور کے فلمی گانے صرف ایک محدود مدت تک اچھے لگتے ہیں اور اس کے بعد بوریت کا باعث بن جاتے ہیں۔، اس کے برعکس علاقائی گانوں کی شاعری بہت اچھی ہوتی ہے۔
