گلوکارہ دعا لیپا نے شادی اور ازدواجی زندگی کے بارے میں گفتگو کرتے ہوئے بتایا کہ انہیں مشورہ دیا گیا تھا کہ شادی کے دن خود کو بھی مہمان سمجھیں تاکہ پریشانی کم ہو اور تقریب سے بھرپور لطف اٹھایا جاسکے۔ انہوں نے جوڑوں کو یہ مشورہ بھی دیا کہ تقریب میں چاہے کتنے ہی لوگ ہوں، ایک دوسرے کو نظروں سے اوجھل نہ ہونے دیں۔
دعا لیپا نے بتایا کہ محبت ملنے کے بعد ان کی گیت لکھنے کی سوچ بھی بدل گئی ہے۔ اب وہ دل ٹوٹنے کے بجائے محبت بھرے رشتوں کی پیچیدگیوں، خاموش لمحات اور چھوٹی چھوٹی خوشیوں کو اپنی موسیقی کا حصہ بنانا چاہتی ہیں۔
واضح رہے کہ دعا لیپا اور کالم ٹرنر نے لندن میں قانونی طور پر شادی کے بعد 6 جون کو اٹلی کے جزیرے سسلی میں شاندار تقریب منعقد کی تھی۔
