لاہور( آن لائن ) قومی ٹیم کے ہیڈ کوچ مکی آرتھر کا کہنا ہے کہ کپتان سرفراز احمد ورلڈ کپ 2019ءتک ٹیم کا اہم جزو رہیں گے۔ تفصیلات کے مطابق قومی ٹیم کے سرفراز احمد کی زیر قیادت پاکستان نے پہلی مرتبہ چیمپئنز ٹرافی جیتنے کا اعزاز حاصل کیا جس کے بعد اب گرین شرٹس کی نظریں ورلڈ کپ 2019 پر مرکوز ہیں اور قومی ٹیم کے کپتان سرفراز احمد بھی کہ چکے ہیں کہ ان کا اگلا ہدف دو سال بعد شیڈول عالمی کپ ہے۔قومی ٹیم کے ہیڈ کوچ مکی آرتھر نے برطانوی میڈیا کو انٹر ویو دیتے ایک سوال کے جواب میں کہا کہ سرفراز احمد ورلڈ کپ تک ان کے پلان کا حصہ ہیں جب وہ 32برس کے ہوجائیں گے۔مکی آرتھر کا مزید کہنا تھا کہ وہ نوجوان کھلاڑیوں کے لیے تجربہ کار پلیئرز کی قربانی دینے سے نہیں کترائیں گے کیوں کہ نوجوان کھلاڑی زیادہ جوشیلے ہوتے ہیں ،ان کا کہنا تھا کہ ہمیں انٹر نیشنل کرکٹ میں نوجوان کھلاڑیوں کو زیادہ سے زیادہ مواقع دینے کی ضرورت ہے۔

نیویارک (اے پی پی) اعصام الحق قریشی یو ایس اوپن ٹینس ٹورنامنٹ مینز ڈبلز ایونٹ میں آج مہم کا آغاز کریں گے۔سال کے چوتھے اور آخری گرینڈ سلام ٹورنامنٹ میں اعصام الحق اپنے نئے آسٹریلوی جوڑی دار ثام گروتھ کے ہمراہ ٹائٹل کے حصول کیلئے قسمت آزمائی کریں گے۔، اعصام اور گروتھ کو پہلے راﺅنڈ میں اینڈرے روبلیف اور کیرن خچانووف پر مشتمل روسی جوڑی کا چیلنج درپیش ہو گا۔

کولمبو (اے پی پی) سری لنکن ٹیم کے قائم مقام کپتان اور مایہ ناز فاسٹ باﺅلر لاستھ مالنگا نے ون ڈے انٹرنیشنل کرکٹ میں وکٹوں کی ٹرپل سنچری مکمل کر لی، وہ یہ اعزاز پانے والے سری لنکا کے چوتھے اور دنیا کے 13 ویں باﺅلر بن گئے۔، مالنگا نے بھارت کے خلاف چوتھے ایک روزہ میچ میں ویرات کوہلی کو آﺅٹ کر کے کیریئر کی 300 ویں وکٹ حاصل کی، مالنگا نے 203 میچز کھیل کر تین سو وکٹیں مکمل کیں، اس سے قبل سری لنکا کی جانب سے متھایا مرلی دھرن، چمندا واس اور سنتھ جے سوریا بھی یہ کارنامہ انجام دے چکے ہیں، مرلی دھرن نے 534، چمندا واس نے 400 اور جے سوریا نے 323 وکٹیں لے رکھی

کراچی( آن لائن ) قومی ٹیم کے سابق کپتان وسیم اکرم کو نجی ٹی وی کے پروڈیوسر نے غلطی سے کراچی کا میئر سمجھ کر کھری کھری سنا دیں۔ تفصیلات کے مطابق کراچی میں حالیہ بارشوںنے تباہی مچا دی ہے جس کے باعث پورا شہر قائد اس وقت پانی میں ڈوبا دکھائی دے رہا ہے اور شہریوں کو شدید مشکلات کا سامنا ہے۔ اس سب کو دیکھتے ہوئے قومی ٹیم کے سابق کپتان وسیم اکرم نے ٹویٹ پر اپنے پیغام میں کہا کہ ” یہ دیکھ کر بہت دکھ ہورہا ہے کہ ہمارا شہر بارشوں کے اس موسم کے لیے کتنا کم تیار ہے،ہم ہر سال یہی ہوتا دیکھتے ہیں ،یہ کوئی چھوٹا موٹا نہیں بہت بڑا مسئلہ ہے“۔آل راﺅنڈر کے اس ٹویٹ پر نجی ٹی وی کے ایک پروڈیوسر نے غلطی سے انہیں میئر کراچی وسیم اختر سمجھ کر ٹویٹ ہی کے ذریعے جواب دیتے ہوئے کہاکہ ”آپ میئر ہیں ، ٹویٹ مت کریں بلکہ کام کریں“۔ وسیم اکرم اس ٹویٹ پر حیران رہ گئے اور ایک اور ٹویٹ میں کہا کہ ”میں میئر ہوں؟،آج صبح میں اٹھا تو وسیم اکرم تھا اور اب میئر کراچی ہوں؟،میں کیسا کام کررہا ہوں؟“۔مذکورہ پروڈیوسر کو بھی فورا اپنی غلطی کا احساس ہوگیا اور انہوں نے ٹویٹ کے ذریعے پیغام میں کہا کہ ”معافی چاہتا ہوں،جلد بازی میں غلطی سے آپ کو وسیم اختر سمجھ لیا تھا “۔۔#/s#

اسلام آباد  (اے پی پی) پاکستان کے ابھرتے ہوئے سٹار شاداب خان پاکستان سپر لیگ اور کیریبین پریمیئر لیگ میں متاثر کن کارکردگی کے بعد اب آسٹریلیا کے ڈومیسٹک ٹی ٹونٹی ٹورنامنٹ بگ بیش لیگ میں ایکشن میں دکھائی دیں گے، انہوں نے برسبین ہیٹ سے معاہدہ کیا ہے، برسبین ہیٹ نے ویسٹ انڈین سپنر سیموئل بدری کی جگہ شاداب کی خدمات حاصل کی ہیں، لیگ 19 دسمبر سے شروع ہو گی۔ 18 سالا لیگ سپنر شاداب خان کیلئے رواں سال اب تک بہت خوش قسمت ثابت ہوا ہے جس میں انہوں نے پاکستانی ٹیم کیلئے آئی سی سی چیمپئنز ٹرافی کا ٹائٹل جیتا، انہوں نے مارچ میں ویسٹ انڈیز کے خلاف ٹی ٹونٹی ڈیبیو کیا، انہوں نے پہلے ہی میچ میں 7 رنز کے عوض 3 وکٹیں لیکر ٹیم کو فتح دلاتے ہوئے انٹرنیشنل کرکٹ میں جاندار انٹری کی، انہوں نے سیریز میں عمدہ پرفارمنس دیتے ہوئے سیریز کے بہترین کھلاڑی کا ایوارڈ بھی اپنے نام کیا تھا۔
برسبین ہیٹ کے کوچ ڈینئل ویٹوری نے اپنے بیان میں کہا کہ شاداب باصلاحیت سپنر ہیں، ان سے معاہدہ ہمارے لئے باعث اعزاز ہے، امید ہے کہ وہ اپنے تجربے سے بھرپور فائدہ اٹھاتے ہوئے کلب کو فتوحات دلانے میں کردار ادا کریں گے۔