واشنگٹن(صباح نیوز)امریکا میں پاکستان کے سابق سفیر حسین حقانی تنخواہ قومی خزانے سے وصول کرتے تھے لیکن گن امریکا کے ہی گاتے تھے۔ سابق امریکی سینیٹر لیری پریسلر کی نئی کتاب حسین حقانی کی مفاد پرست شخصیت کے کئی منفی پہلوں کو اجاگر کرتی ہے۔سینیٹر کا دعویٰ ہے کہ حسین حقانی نے امریکا اور پاکستان دونوں طرف سے فائدے اٹھائے۔حسین حقانی کا اصل چہرہ بے نقاب ہو گیا۔حسین حقانی کا سیاسی سفر سانپ سیڑھی کے کھیل کی طرح رہا۔ آغاز جماعت اسلامی سے کیا اور پھر پیپلز پارٹی کی نفرت میں آئی جے آئی میں چلے گئے۔ پھر پیپلز پارٹی کی خواتین رہنماوں کے خلاف وہ پمفلٹ چھاپے جن کے ناپسندیدہ ہونے کا تذکرہ آج بھی ہوتا ہے۔ ایک دور میں پرویز مشرف کے وزیر بننے کی تمنا جاگی دھتکار ملی تو نجانے کیسے بے نظیر بھٹو کے قریب ہوگئے۔
![](https://dailykhabrain.com.pk/wp-content/uploads/2017/10/hussain-hafani.jpg)