کراچی (وقائع نگار خصوصی) پاک سرزمین پارٹی کے رہنما انیس احمد قائم خانی نے کہا ہے کہ ایم کیو ایم پاکستان کے متعدد رہنما آج بھی پارٹی کے بانی الطاف حسین سے رابطے میں ہیں اور ان سے ہدایات لیتے ہیں۔پی ایس پی اورایم کیو ایم پاکستان کے مابین انضمام سے متعلق مذکرات کمل ہوگئے تھے تاہم اگر لندن قیادت مداخلت نہ کرتی تو معاملات طئے ہو چکے تھے۔ میڈیا سے بات چیت کرتے ہوئے انہوں نے کہا پاک سرزمین پارٹی کے سربراہ مصطفیٰ کمال جو کچھ بھی کرتے ہیں سب کے سامنے ہے اور وہ کسی بھی سازش پر یقین نہیں رکھتے۔ انہوں نے کہا کہ تمام وقعات اور حالات سب کے سامنے ہیں اور کوئی بھی بات ڈھکی چھپی نہیں۔ انیس قائم خانی نے کہا کہ الطاف حسین کی ہدایت پر کچھ پارٹی رہنماﺅں نے یہ انضمام رکوادیا ہے اور وہ پ ایم کیو ایم کے اندر کافی اثر و رسوخ رکھتے ہیں۔
