لاہور (خصوصی رپورٹ)وزیر خارجہ خواجہ آصف کی صاحبزادی کا نکاح سمیر کے ساتھ مسجد وزیر خان میں انتہائی سادگی سے سرانجام پایا۔ نکاح خواں کے فرائض مسجد وزیر خان کے سینئر خطیب مولانا محمد ذوالفقار نے ادا کئے۔ شرکاء میں وزیر بلدیات پنجاب منشا ءاللہ بٹ‘ سپریم کورٹ کے جج شیخ عظمت سعید‘ فاروق ایچ نائیک‘ امریکی قونصل جنرل الزبتھ کینیڈی سمیت دولہا اور دلہن کے قریبی عزیز و اقارب شامل تھے۔ دو گھنٹے تک جاری رہنے والی اس تقریب کے دوران سکیورٹی کے سخت انتظامات کئے گئے تھے اور عام شہریوں کا مسجد وزیر خان میں داخلہ بند رہا۔
نکاح

لاہور (نیااخبار رپورٹ) ایک بین الاقوامی سروے میں یہ دلچسپ موازنہ سامنے آیا ہے کہ پاکستان‘ بھارت اور بنگلہ دیش کے معالجین اپنے مریضوں کو باقی دنیا کے مقابلے میں سب ے کم وقت دیتے ہیں جبکہ سویڈن‘ امریکہ اور برطانیہ مریضوں کو تسلی سے دیکھتے ہوئے انہیں سب سے زیادہ وقت دیتے ہیں۔ اس سروے میں 15بڑے ممالک شامل ہیں جہاں دنیا کی نصف کے قریب آبادی رہتی ہے اور وہاں کے ڈاکٹر اپنے مریضوں کو اوسطاً 5منٹ ہی دیکھ پاتے ہیں۔ امریکی ڈاکٹر اپنے مریضوں کو تفصیل سے دیکھتے ہیں اور اوسطاً ایک مریض کے حصے میں 20منٹ آتے ہیں جبکہ برطانیہ میں دس منٹ لیکن یہ شرح سویڈن میں سب سے زیادہ یعنی 22منٹ 30سیکنڈ ہے۔ بھارت جو ایک بڑا ملک ہے وہاں آبادی کے اژدہام کی وجہ سے ایک ڈاکٹر مریض کو بمشکل دو منٹ ہی دے پاتا ہے اور بنگلہ دیش میں یہ شرح کم ترین یعنی 48سیکنڈ ہے اور پاکستان میں یہ شرح دو منٹ بھی نہیں یعنی ہمارے ملک میں ایک ڈاکٹر مریض کو 1.79منٹ ہی دے پاتا ہے۔ پاکستانی ڈاکٹرز

اسلام آباد(خصوصی رپورٹ )یوٹیلیٹی سٹورز کارپوریشن نے دالوں کی قیمتوں میں کمی کر دی۔ نوٹیفکیشن کے مطابق دالوں کی قیمتوں میں 5 روپے سے 50 روپے فی کلو تک کمی کی گئی ہے دالوں کی قیمتوں میں کمی کا اطلاق ملک بھر کے یوٹیلٹی سٹورز پر ہوگا۔ ترجمان کے مطابق گلگت، بلتستان میں دال ماش کی قیمت میں 50 روپے فی کلو کمی کی گئی ہے خیبر پی کے میں دال ماش 140 روپے سے کم کرکے 115 روپے ہوگئی پنجاب ریجن میں بھی دال ماش 115 روپے کلو ہو گئی چترال ریجن میں دال ماش 140 رپے سے کم کرکے 120 روپے فی کلو ہو گئی۔ سندھ ریجن میں دال ماش 130 روپے سے کم ہوکر 115 روپے فی کلو ہو گئی ہے بلوچستان میں دال ماش 160 روپے سے کم ہوکر 115 رورپے ہو گئی گلگت بلتستان میں دال مونگ دھلی ہوئی 105 روپے سے کم ہوکر 90 روپے پنجاب، خیبر پی کے اور اسلام آباد ریجن میں 45 روپے سے کم ہوکر 85 روپے فی کلو چترال ریجن میں 45 سے کم ہوکر 90 روپے فی کلو ہو گئی بلوچستان میں مونگ کی دال 100 روپے سے کم ہوکر 85 رورپے فی کلو ہو گئی گلگت بلتستان ریجن میں دال مسور 113 روپے سے کم ہو کر 95 روپے فی کلو ہو گئی۔ پنجاب خیبر پی کے سندھ میں دال مسور 105 سے کم ہوکر 90 روپے فی کلو چترال ریجن میں مسور کی دال 80 روپے سے کم کرکے 75 روپے فی کلو کم ہو گئی۔ بلوچستان ریجن میں دال مسور 90 روپے سے کم کرکے 70 روپے فی کلو ہو گئی ہے دال مونگ ثابت کی قیمتیں گلگت بلتستان ریجن میں 105 روپے سے کم کرکے 85 روپے ہو گئی ۔ پنجاب، سندھ، خیبر پی کے اور اسلام آباد ریجن میں 95 روپے سے کم کرکے 80 روپے ہو گئی کالے چنے کی قیمت گلگت بلتستان ریجن میں 118 روپے سے کم کرکے 110 روپے فی کلو ہو گئی۔

لندن (خصوصی رپورٹ) لفظ پاکستان کے خالق او برطانیہ میں مدفون چودھری رحمت علی کا مزار پاکستان میں بنانے کی تیاریاں مکمل کرلی گئیں۔ آزاد ملک کو لفظ پاکستان
کی شناخت دینے والے چودھری رحمت علی جیسی عظیم ہستی کی میت برطانیہ سے کمالیہ لانے کی جدوجہد کی جارہی ہے اور اب امید روشنی ہوگئی ہے کہ جلد میت پاکستان منتقل کردی جائے گی۔

لاہور، اسلام آباد، سیالکوٹ، منڈی بہاﺅالدین، پھالیہ، ملکوال، گوجرانوالہ، کوئٹہ، علی پور چٹھہ (نمائندگان خبریں) سانحہ تربت میں جاں بحق تین نوجوانوں کی میتیں منڈی بہاﺅالدین کے علاقوں ملک وال اور پھالیہ میں پہنچ گئیں متاثرہ خاندانوں کے گھروں میں کہرام مچ گیا ہر آنکھ اشکبار۔ تفصیلات کے مطابق منڈیبہاﺅالدین کی تحصیل ملک وال کے رہائشی نوجوان ذوالفقار علی کے ساتھ پڑھانہ لوک کا اظہروقاص اور چاڑانوالہ تحصیل پھالیہ کا خرم شہزاد روشن مستقبل کے لالچ میں پھالیہ کے انسانی سمگلر کی باتوں میں آ کر غیر قانونی طریقہ سے یوورپ جانے کے لئے چھ دن قبل یہاں سے روانہ ہوئے لیکن بلوچستان کے علاقہ تربیت میں دہشت گردوںکی فائرنگ سے جاں بحق ہو گئے۔ ذوالفقار علیکا تعلق محلہفضل آباد ملک وال جبکہاظہر کا تعلق منڈی بہاﺅالدین کی تحصیل پھالیہ کے گاﺅں پڑھانہ لوک سے تھا ذوالفقار علی کے تین بھائی اور تین بہنیںہیں جن میںایک بہن چھوٹی ہے جس کی شادی کرنا باقی ہے ذوالفقار علی کی پانچ سال قبل شادی ہوئیجس میں سے اس کی ڈیڑھ سالہ بیٹی بھی ہے۔ بدقسمت نوجوان اپنی چھوٹی بہن اور بیٹی کے مستقبل کو سنہرابنانے کے لئے یورپ جانا چاہتا تھا جس کے لئے اس نے پھالیہ کے ایک ایجنٹ سے رابطہ کیا جس نے اسے یقین دلایا کہ وہ اسے تین لاکھ روپے میں غیر قانونی طریقہ سے یورپ پہنچا دے گا ذوالفقار علی چھ روز قبل اپنی ماں، بہن بھائیوں، بیوی اور بیٹی کو خدا حافظ کہہ کر یورپ کی حسین وادیوں کے خواب آنکھوں میں سجا کر دیگر ساتھیوں اظہر اور خرم کے ساتھ روانہ ہو گیا لیکن بدقسمتی سے جب وہ تربت کے علاقہمیں پہنچے تومسلح دہشت گردوںکی فائرنگ سے جاں بحق ہوگئے۔ ذوالفقار علی اور اظہر کیلاشیں جب گھر پہنچیں تو والدین، بہن بھائیوں پر غشی کے دورے پڑ گئے وہاںموجود ہر آنکھ اشکبار تھی۔ مقامی افراد نے حکومت سے مطالبہ کیا کہ انسانی سمگلر کو فوری طور پر گرفتار کر کے سزا دی جائےاور متاثرہ خاندانوں کی مالی امداد کی جائے۔ بلوچستان کے علاقے تربت میں نا معلوم افراد کی فائرنگ سے قتل ہونیوالے15افراد کی نماز جنازہ ادا کردی گئی وزےر اعلی بلوچستان نواب ثناءاللہ زہری ،کمانڈر سدرن کمانڈر لےفٹےننٹ جنرل عاصم سلیم باجوہ ،صوبائی وزراءاراکین اسمبلی و دےگر کی شرکت ،تفصےلا ت کے مطابق گزشتہ روز تربت کے علاقے گر وک میں مسلح افراد نے فائرنگ کرکے پنجاب سے اےران جانے والے 15افراد کو قتل کردیا تھا جن کی نماز جنازہ جمعرات کو تربت میں ادا کی گئی نماز جنازہ میں سوزیراعلیٰ بلوچستان ثناءاللہ زہری،کمانڈر سدرن کمانڈ لےفٹےننٹ جنر ل عامر ریاض ،صوبائی وزراءمیر سرفراز بگٹی ،عبدالرحیم زےارتوال ،سابق وزےر اعلی ڈاکٹر عبدالمالک بلوچ ،سےنےٹر آغا شاہزےب درانی ،آئی جی ایف سی ساﺅتھ مےجر جنر ل سردار طارق امان ،آئی جی پولیس بلوچستان معظم جاہ انصاری ،فیصل ایدھی اور دیگر اعلیٰ حکام نے شرکت کی،نماز جنازہ کے بعد مےتوں کو قومی پرچم میں لپےٹ پر خصوصی سی و ن تھرٹی طیارے کے ذرےعے لا ہور روانہ کردیا گیا ،جہاں سے لاشوں کو اےمبولینسوں کے ذرےعے آبائی علاقوں میں منتقل کیا جائے گا۔ وزیرداخلہ پروفیسر احسن اقبال نے ایفآئی اے کو بلوچستان میں جاں بحق ہونے والے 15 نوجوانوں کی ہلاکت کی انکوائری کا حکم دے دیا جمعرات کو اپنے بیان میں وزیر داخلہ نے ہدایت کیکہ جن ایجنٹوں کااس گھناﺅنے کھیل میں کردار ہے ان کے خلاف فوری اور موثر کارروائی کی جائے۔ بلوچستان میں دہشتگردوں کے ہاتھوں شہید ہونے والے 2نوجوانوں کی لاشیں ان کے اہل خانہ کے حوالے کر دی گئی۔نماز جنازہ سینکڑوں سوگواروں کی موجودگی میںسپرد خاک کردیا گیا۔عوامی سماجی حلقوں کا گہرے رنج و غم کا اظہار۔تفصیلات کے مطابق علی پور چٹھہ کے نواحی رسولنگر کا رہائشی 29سالہ نوجوان احسن رضا منہاس جوکہ ایک نجی ہسپتال میں جاب کرتا تھا ۔بے روزگاری سے تنگ آکر انسانی سمگل کے باتوں اور یورپ جانے کے خواب میں پھنس گیا۔ایجنٹ نے ایک سال پہلے اس کو تنذانیہ میں بھیجا جہاں پر مناسب کام نہ ملنے پر مذکورہ نوجوان واپس آکر دوبارہ ہسپتال میں کام کرنے لگا۔5دن پہلے ترکی باڈر کے رستے یورپ جانے کیلئے گھر سے روانہ ہو گیا۔یہ بھائیوں میں دوسرے نمبر پر تھا۔ اور اس کا والد سرکاری محکمہ سے ریٹائرڈ ہے ۔جبکہ دوسرا نوجوان 25سالہ غلام ربانی نواحی گاﺅں جامکے چٹھہ کا رہائشی تھابتایا گیا ہے کہ اس کا والد کافی عرصہ سےروزگار کے سلسلہ میںسپین میں مقیم ہے۔ غلام ربانی بھی اسی طرح یورپ باپ کے پاس جانے کیلئے انسانی سمگل کے جال میں پھنس گیا ۔ جوکہ تربت میں باڈر کراس کرتے ہوئے دہشت گرد تنظیم لیبریشن کے ہاتھوں شہید ہو گئے۔ حکومت پنجاب نے اس واقعہ پر ایکشن لیتے ہوئے انسانی سمگل ایجنٹ ظفر اقبال اور تنویر چیمہ کو گرفتار کر لیا ہے، عابد حسین، صابر گجر ،ظفر حسین،ارشد چیمہ کی گرفتاری کیلئے چھاپے مارے جارہے ہیں۔

اسلام آباد(آئی این پی )اسلام آباد ہائیکورٹ نے فیض آباد انٹرچینج پر جاری مذہبی و سیاسی جماعت تحریک لبیک یارسول اللہ کا دھرنا ختم کرنے کا حکم د یتے ہوئے کہا ہے کہ نیکی کا کام غلط طریقے سے کیا جائے تو وہ غلط ہوتا ہے، معاملہ جب عدالت میں آگیا تو خدا کا خوف کریں، چیف جسٹس بارے جو الفاظ استعمال کیے ان پر معافی مانگیں، دھرنا ختم کریں تاکہ عوام کی مشکلات ختم ہوں،سماعت 29 نومبر تک کے لیے ملتوی کردی گئی۔ جمعرات کو اسلام آباد ہائی کورٹ کے جج جسٹس شوکت عزیز صدیقی نے سیاسی و مذہبی جماعت کے مولانا اللہ وسایا کی جانب سے دائر درخواست پر سماعت کی سماعت کے دوران جسٹس شوکت صدیقی نے مظاہرین کے وکیل کو ہدایت کی کہ آپ لوگ قانون کی پابندی کریں، آپ کی پٹیشن دھرنا ختم کرنے سے مشروط ہوگی۔معزز جج نے ریمارکس دیے کہ ‘نیکی کا کام غلط طریقے سے کیا جائے تو وہ غلط ہوتا ہے، معاملہ جب عدالت میں آگیا تو خدا کا خوف کریں۔ساتھ ہی انہوں نے کہا چیف جسٹس کے بارے میں جو الفاظ استعمال کیے ان پر معافی مانگیں۔جسٹس شوکت عزیز صدیقی نے حکم دیا کہ بچے، بوڑھے، ملازمین اور طالبعلم دھرنے سے متاثر ہو رہے ہیں، دھرنا ختم کریں تاکہ عوام کی مشکلات ختم ہوں۔بعدازاں کیس کی مزید سماعت 29 نومبر تک کے لیے ملتوی کردی گئی۔واضح رہے کہ ایک مذہبی و سیاسی جماعت تحریک لبیک نے فیض آباد انٹرچینج پر گذشتہ 10 روز سے دھرنا دے رکھا ہے، جس میں وزیر قانون زاہد حامد کے استعفے کا مطالبہ کیا جا رہا ہے۔واضح رہے کہ مذکورہ مذہبی و سیاسی جماعت نے یہ دھرنا ایک ایسے وقت میں دیا جب رواں برس اکتوبر میں حکمران جماعت مسلم لیگ(ن)نے الیکشن ایکٹ 2017 میں ترامیم منظور کی تھیں، جس میں ‘ختم نبوت’ سے متعلق شق بھی شامل تھی لیکن بعد میں حکومت نے فوری طور پر اسے ‘کلیریکل غلطی’ قرار دے کر دوسری ترمیم منظور کرلی تھی۔ تاہم الیکشن ایکٹ میں ترمیم کے خلاف مذکورہ سیاسی و مذہبی جماعت کے مولانا اللہ وسایا نے اسلام آباد ہائیکورٹ سے رجوع کیا، جس میں مذکورہ ترامیم سے متعلق سینیٹر راجا ظفر الحق کی سربراہی میں کمیٹی کی پیش ردہ رپورٹ کو پبلک کرنے کی استدعا کی گئی تھی۔اسلام آباد ہائی کورٹ کے جج جسٹس شوکت عزیز صدیقی نے مذکورہ درخواست پر سماعت کی۔

لندن (وجاہت علی خان سے) بلوچ آزادی پسند رہنما نواب مہران مری کو زیورخ ایئرپورٹ سے گرفتار کر لیا گیا ہے۔ بلوچ آزادی پسند رہنما نواب مہران مری نے سماجی رابطے کی ویب سائٹ ٹویٹر پر جاری کردہ اپنے چند ٹویٹ میں کہا ہے کہ سوئس حکام نے انہیں ان کی فیملی کے ہمراہ گرفتار کر لیا ہے۔ ان کا کہنا تھا کہ یہ گرفتاری اسلام آباد کے کہنے پر عمل میں لائی گئی ہے اور انہیں اطلاع دی گئی ہے کہ اب وہ زندگی بھر سوئٹزر لینڈ کی سرزمین میں داخل نہیں ہو سکتے۔

اسلام آباد (مانیٹرنگ ڈیسک) پیپلزپارٹی کے رہنما نوید قمر نے کہا ہے کہ حکومت نے نااہل شخص کو پارٹی سربراہی سے ہٹانے کا بل قومی اسمبلی میں نہ پیش کرنے دیا تو پیپلزپارٹی کے تمام ارکان مستعفی ہوجائیں گے ابھی استعفوں کا ارادہ ظاہر کیا ہے حکومت کے خلاف زبردست احتجاج کیلئے بھی تیار ہیں۔

اسلام آباد (مانیٹرنگ ڈیسک) سابق وزیراعظم میر ظفر اللہ جمالی نے کہا ہے کہ شریف خاندان مکافات عمل کا شکار ہے ، جمہوریت کا نام لیکر جمہوریت کو بدنام کیاگیا، جمہوریت کیلئے قربانیاں دینا پڑتی ہیں، کئی وزیراعظم استعفیٰ دے گئے ان کی جرا¾ت کیوں نہیں ہوئی، فوج ، عدلیہ اور مشرف کیخلاف دھڑے بندی ہورہی ہے، پیپلزپارٹی کا وزیراعظم نکالاجاتا ہے تو خوش ہوتے ہیں ، اپنی باری آتی ہے تو شور مچاتے ہیں، اپنی ذات کیلئے سارا نظام برباد نہیں کرنا چاہئے، ن لیگ نے ذاتی مفادات کیلئے آئینی ترامیم کرنا چاہیں تو اسمبلی میں لوگ ان کیخلاف کھڑے ہو جائینگے، نجی ٹی وی سے خصوصی گفتگو کرتے ہوئے انہوں نے کہا کہ ن لیگ میں دراڑیں پڑ چکی ہیں، آخری سال میں ترقیاتی فنڈز دینے کا مطلب ارکان اسمبلی کو خریدنا ہے ، احتساب نہ ہوا اور سزائیں نہ دی گئیں تو ملک نہیں رہے گا، پہلے صرف مشرقی سرحد پر مسائل تھے اب مغربی سرحدیں بھی محفوظ نہیں ہیں، بیرونی طاقتیں کچھ نہیں کرسکتیں اگر اندر کے لوگ ساتھ نہ دیں ، یہ لوگ کہتے ہیں کہ پاکستان اور بھارت میں فرق نہیں ، ہم ایک ہیں، اگر ایسا ہی ہے تو پاکستان بنانے کیا ضرورت تھی، سابق وزیراعظم نے کہا کہ احتساب ہرصورت کرنا ہوگا ورنہ ملک آگے نہ بڑھے گا، 1991میں بھی شریف خاندان امیر ترین تھا، اگر پیسہ باہر پہنچانے میں ان کو کوئی تکلیف نہیں ہوئی تو پاکستان واپس لانے میں کیوں تکلیف ہے ، یہ لوگوں کو خریدنے کی طاقت ضرور رکھتے ہیں لیکن سارے بکنے والے نہیں ہوتے، نوازشریف این آر او نہیں کرسکیں گے نہ ہی کوئی کرنے دیگا، نوازشریف کے چیلوں کو صرف اپنی فکر ہے ، شریف خاندان کواپنا ماضی نہیں بھولنا چاہئے ، جو لاتے ہیں وہ واپس گھر بھی بھیج سکتے ہیں، عدلیہ کو 190کے تحت اختیارات ملک کو بچانے کیلئے ہی دیئے گئے تھے ، پاکستان کی حفاظت اور سلامتی کا جن لوگوں نے حلف اٹھارکھا ہے وہ اپنے حلف کی پاسداری کریں ، وقت آیاتو سپریم کورٹ جاکر درخواست کرونگا کہ پاکستان کو بچائیں ، پاکستان کیلئے جان بھی قربان کردونگا، ظفر اللہ جمالی نے کہا کہ ختم نبوت قانون میں تبدیلی کے ذمہ دار سامنے لائے گئے نہ ہی سزا دی گئی ، سپیکر نے کسی سے پوچھا تک نہیں کہ یہ کیا ہورہاہے، کبھی ترمیم کی جاتی ہے کبھی واپس لی جاتی ہے، پاکستان کے عوام کیلئے اچھا وقت آئیگا، عمران خان میں سیاسی تجربے کی تھوڑی سی کمی ہے ، شریف خاندان آپس کے اختلافات برداشت نہیں کرتے عوام کو کیسے برداشت کرینگے۔