لاہور (نیااخبار رپورٹ) رکن قومی اسمبلی عائشہ گلالئی نے اعلان کیا ہے کہ وہ تحریک انصاف کے غریب اور مڈل کلاس نظریاتی ورکرز کو اکٹھا کر کے ایک نیا گروپ بنا کر انہیں الیکشن لڑائیں گی۔ گزشتہ روز نجی ٹی وی سے گفتگو میں انہوں نے کہا کہ وہ ان نظریاتی کارکنوں کیلئے ایک علیحدہ فنڈ بھی قائم کر رہی ہیں۔ لوگوں سے چندہ حاصل کر کے فنڈز اکٹھے کئے جائیں گے اور پھر غریب اور مڈل کلاس کارکنوں کو الیکشن لڑایا جائے گا۔
