سڈنی(ویب ڈیسک ) 16چھکے لگا کر نئی تاریخ رقم کردی گئی۔ واٹسن نے سدر لینڈ کی جانب سے موسمین کیخلاف محض53گیندوں پر 114رنز کی ناقابل شکست اننگز کھیلی اور ان کی اننگز کا خاتمہ اس وقت ہوا جب انکی ٹیم نے 151رنز کا مطلوبہ ہدف16ویں اوور میں پورا کرلیا۔ یہ واٹسن کی جانب سے ایک اننگ میں لگائے گئے سب سے زیادہ چھکے ہیں ،اس سے قبل انہوں نے 2011ءمیں بنگلہ دیش کیخلاف اننگ میں 15چھکے لگا ئے تھے۔واٹسن نے کنگز گرو سپورٹس ٹی ٹونٹی ٹورنامنٹ میںاپنی اس اننگز کے دوران محض ایک چوکا لگایا ،یہ سدر لینڈ کلب کی جانب سے کسی بھی کھلاڑی کا ٹی ٹونٹی میں سب سے بڑا انفرادی سکور بھی تھا ، اس سے قبل موجودہ آسٹریلیوی کپتان سٹیو سمتھ نے 2008۔09ءمیں 85رنز کی ناقابل شکست اننگز کھیلی تھی۔
