لاہور (سٹاف رپورٹر) معروف صحافی اور ممتاز تجزیہ نگار ضیا شاہد کی نئی کتاب ”قلم چہرے“ خوبصورت گیٹ اپ کے ساتھ، علامہ عبدالستار عاصم اور محمد فاروق چوہان کی زیر نگرانی قلم فاﺅنڈیشن والٹن روڈ لاہور کینٹ کے زیر اہتمام شائع ہو گئی ہے۔ کتاب میں اپنے عہد کے بڑے ادیبوں، صحافیوں کے خاکے بے حد دلچسپ واقعات قلم بند کئے گئے ہیں۔ ان بڑے لوگوں میں آغا شورش کاشمیری، مولانا کوثر نیازی، مسعود کھدر پوش، نسیم حجازی، چودھری عنایت اللہ مشرق والے، ریاض بٹالوی، اشفاق احمد، فیض احمد فیض، ارشاد احمد حقانی، ڈاکٹر سید عبداللہ، خواجہ سلیم، انتظار حسین، ایم شفاعت، مختار مسعود، شفیق الرحمن، مقبول جہانگیر، ایس ایچ ہاشمی، پروفیسر مسرور کیفی، میر خلیل الرحمن اور مجید نظامی جیسے انمول لوگ شامل ہیں یہ کتاب تقریباً ایک صدی کے علم ادب اور صحافت کی تاریخ ہے۔ یہ بے حد دلچسپ کتاب تاریخ و ادب کے قارئین کے لئے انمول تحفہ ہے: کتاب حاصل کرنے کے لئے قلم فاﺅنڈیشن انٹرنیشنل والٹن روڈ لاہور کینٹ qalamfoundation3@gmail.com 0300-0515101، 0300-8422518 سے رابطہ کریں۔

سرینگر(خصوصی رپورٹ) بھارتی فوج کے مظالم کا میوزک کے ذریعے اظہار ہونے لگا۔ کشمیری گلوکارمہنک نے موسیقی کو احتجاج کا ذریعہ بنالیا۔

لاہور (نیٹ نیوز) سینئر سیاستدان جاوید ہاشمی نے جب 2012ءمیں ن لیگ چھوڑی اور پی ٹی آئی میں شمولیت اختیار کی تو مریم نواز سمیت حکمران جماعت کی جانب سے انہیں تنقید کا بھی سامنا کرنا پڑا تاہم اب وہ وبارہ ن لیگ میں شامل ہو رہے ہیں تو ایسی صورتحال میں مریم نواز نے انہیں ویلکم بھی کر دیا ہے۔ تفصیلات کے مطابق 27مئی 2012ءکو جاوید ہاشمی کو انتہائی شدید تنقید کا نشانہ بناتے ہوئے ٹویٹر پر پیغام جاری کیا جس میں انہوں نے کہا کہ ’احسان فراموش آدمی ،ایک بیکار آدمی ،ایک بیمار آدمی ،ہاشمی ہاشمی ‘تاہم اب جاوید ہاشمی جب دو بارہ ن لیگ میں شامل ہونے جا رہے ہیں تو مریم نواز ایک بار پھر میدان میں آ ئیں ہیں اور انہو ںنے سینئر سیاستدان کی نوازشریف کے ساتھ ملاقات کی تصاویر ٹویٹر پر شیئر کیں اور ساتھ پیغام درج کیا کہ وہ واپس اپنے گھر آ رہے ہیں اور انہیں ویلکم بھی کہا۔نجی ٹی وی پر گفتگو کرتے ہوئے اینکر پرسن کاشف عباسی نے جاوید ہاشمی سے مریم نواز کی انہیں ٹویٹس سے متعلق سوال کیا تو سینئر سیاستدان نے کہا کہ مجھ سے متعلق ٹویٹ کے جوابات مریم نواز ہی دیں گی ،مریم نواز نے جب ٹویٹ کیے تب وہ سیاست میں آ رہی تھیں ،اس وقت وہ ن لیگ میں شامل نہیں تھیں ،مریم نواز کو جب چیزوں کا پتا چلا تو وہ آج ویلکم کر رہی ہیں۔

اسلام آباد(ویب ڈیسک)جنید جمشیدکی طیارہ حادثے میں ہونے والی شہادت کے بعد نجی ٹی وی کے پروگرام میں گفتگو کرتے ہوئے جنید جمشید کے استاد، ساتھی اور دوست مولانا طارق جمیل نے بتایا تھا کہ جنید جمشید جب شوبز کی دنیا چھوڑ کر اسلام کی تبلیغ کے راستے پر چلے تو سب سے پہلے انہوں نے اللہ کے دین کی تبلیغ کیلئے سہ روزہ کا اہتمام کیا بعد ازاں وہ 40دن کیلئے اللہ کے راستے کیلئے نکلے اور پھر یہ سلسلہ چل پڑا، مولانا طارق جمیل نے بتایا کہ شوبز چھوڑنے کے بعد ایک دن جنید جمشید کا مجھے فون آیا اور انہوں نے بتایا کہ مولانا میرے گھر میں اس وقت ایک پھوٹی کوڑی بھی موجود نہیںاور اتنے پیسے نہیں کہ ماں کی دوا تک لاسکوں اور معروف کولڈ ڈرنگ برانڈ پیپسی کولا نے مجھے پیش کش کی ہے کہ اگر میں انہیں ان کی کمپین کے سلسلے میں ایک میوزک البم بنا کر دوں تو وہ اس کے عوض مجھے 4کروڑروپے دینے کیلئے تیار ہیں جسے میں نے ٹھکرا دیا ہے۔ مولانا طارق جمیل کا کہنا تھا کہ محبت ایک ایسا عمل ہے جو انسان کو بے پروا کر دیتا ہے اور انسانیت کی خدمت اور معبود سے محبت کے در کھلنے لگ جاتے ہیں اور یہی جنید جمشید نے کیا۔ اللہ کا راستہ اختیار کرنے کے بعد انہوں نے پھر ہر اس چیز کو ٹھکرا دیا جو ان کی راہ میں رکاوٹ بننا چاہتی تھی۔

لاہور (خصوصی رپورٹ) اختیارات کی جنگ میں کونسلر بھی متحرک۔ شاہدرہ سے تعلق رکھنے والے 70 سے زائد کونسلرز نے اکٹھ کرلیا۔ اس حوالے سے ہونے والے اجلاس میں مختلف یوسیز کے جنرل کونسلرز نے شرکت کی اور آٹھ دسمبر کو ہونے والے کنونشن کا لائحہ عمل طے کیا۔ تاہم کونسلرز نے اس بات پر اتفاق کیا کہ اگر حکومت کی جانب سے اختیارات نہ دیئے گئے تو بھرپور احتجاج کیا جائے گا۔ عوامی نمائندے ہونے کے باوجود عوامی خدمت کے لئے اختیارات نہ دے کر حکومت کونسلرز کے ساتھ زیادتی کررہی ہے۔ اپنے حق کے لئے آواز بلند کریں گے۔

لاہور (سٹاف رپورٹر) معروف صحافی اور ممتاز تجزیہ نگار ضیا شاہد کی نئی کتاب ”قلم چہرے“ خوبصورت گیٹ اپ کے ساتھ، علامہ عبدالستار عاصم اور محمد فاروق چوہان کی زیر نگرانی قلم فاﺅنڈیشن والٹن روڈ لاہور کینٹ کے زیر اہتمام شائع ہو گئی ہے۔ کتاب میں اپنے عہد کے بڑے ادیبوں، صحافیوں کے خاکے بے حد دلچسپ واقعات قلم بند کئے گئے ہیں۔ ان بڑے لوگوں میں آغا شورش کاشمیری، مولانا کوثر نیازی، مسعود کھدر پوش، نسیم حجازی، چودھری عنایت اللہ مشرق والے، ریاض بٹالوی، اشفاق احمد، فیض احمد فیض، ارشاد احمد حقانی، ڈاکٹر سید عبداللہ، خواجہ سلیم، انتظار حسین، ایم شفاعت، مختار مسعود، شفیق الرحمن، مقبول جہانگیر، ایس ایچ ہاشمی، پروفیسر مسرور کیفی، میر خلیل الرحمن اور مجید نظامی جیسے انمول لوگ شامل ہیں یہ کتاب تقریباً ایک صدی کے علم ادب اور صحافت کی تاریخ ہے۔ یہ بے حد دلچسپ کتاب تاریخ و ادب کے قارئین کے لئے انمول تحفہ ہے: کتاب حاصل کرنے کے لئے قلم فاﺅنڈیشن انٹرنیشنل والٹن روڈ لاہور کینٹ qalamfoundation3@gmail.com 0300-0515101، 0300-8422518 سے رابطہ کریں۔

لاہور (خبر نگار) لاہورگرائمر سکول گلبرک (اےل جی اےس) مےں پڑھنے والے سےنکڑوں معصوم جانوں سمےت ہزاروں رہائشےوں کی زندگےاں خطرے مےں پڑ گئی ہےں۔ علاقہ مکےنوں کے متعدد بار احتجاج کے باوجود گرائمر سکول کی تگڑی انتظامےہ کے سامنے پولےس،ٹرےفک پولےس ،اےل ڈی اے سمےت ٹاﺅن انتظامےہ سالوں سے بے بس رہی۔روزنامہ خبرےں مےں شائع ہونے والی خبروں پر اےل ڈی اے کے حرکت مےں آنے کے بعد غےر قانونی تجاوےزات کے خلاف آپریشن رکوانے کےلئے سکول انتظامےہ نے ایڑی چوٹی کا زور لگا نا شروع کردےا ۔ علاقہ مکینوں کا وزیراعلیٰ پنجاب و چیف سیکرٹری سے لاہور گرائمر سکول سے غیر قانونی تجاوزات ختم کروانے کا مطالبہ کےا۔ تفصیلات کے مطابق گلبرک تھری میں واقع لاہور گرائمر سکول کے علاقہ مکینوں کا کہنا ہے کہ اس ملک میں دونظام ہیں طاقتور کےلئے علیحدہ نظام ہے جبکہ کمزور کےلئے علیحدہ نظام ہے ۔ایل ڈی اے کمزور لوگوں کے غیر قانونی تجاوزات کی آڑ میں کروڑوں مالیت کے گھر مسمار کر دیتا ہے غریب روزگاروں کے ڈھابے اُٹھا کر لے جاتے ہیں ان کے خلاف جرمانے بھی کرتے ہیں اور مقدمات بھی درج کرتے ہیں جبکہ طاقتور کے اگے بے بس ہوجاتے ہیں۔ ان کا کہنا ہے کہ لاہورگرائمر سکول ہمارے لئے وبال جان بنا ہوا ہے صبح اور دوپہر کے وقت روڈ بلاک رہتے ہیں سکول انتظامیہ نے غیر قانونی تجاوزات بھی بنا رکھی ہیں یہاں پر قانون کیوں خاموش ہے ؟کیونکہ یہ ایک بااثر طبقے کا سکول ہے اس میں بیورکریٹس کے بچے تعلیم حاصل کرتے ہیں اور بیورکریٹس کی بیگمات پڑھاتی ہیں اورا نتظام بھی انہی کے ہاتھوں میں ہے زرائع کایہ بھی کہنا ہے کہ علاقہ مکینوںکے مطابق ایک مرتبہ گلبرک ٹاو¾ن نے کاروائی کی تو متعلقہ آفیسر کو انکوائریوں میں ایسا پھسایا گیا کہ اس کو طاقتور سکول انتظامیہ سے معافیاں مانگنی پڑیں اس کے اگے ایل ڈی اے جیسا طاقتور ادارہ بھی ان تجاوزات کو ہٹانے پر بے بس دیکھائی دے رہا ہے ۔اسی طرح ٹریفک والوں نے بھی چند پہلے سکول انتظامیہ نے روڈ بلاکیج اور غیر قانونی تجاوزات بارے نوٹس جاری کیا تھا اب وہ بھی کاروائی کر نے سے گریز کر رہے ہیں۔

ساہیوال، سرگودھا (تحصیل رپورٹر، نیٹ نیوز) پیر حمید الدین سیالوی نے حکومت سے علیحدگی کا اعلان کرتے ہوئے کہا کہ اب صرف رانا ثنا اللہ نہیں بلکہ دیگر اراکین اسمبلی بھی مستعفیٰ ہوں گے۔ سرگودھا میں پریس کانفرنس کرتے ہوئے پیر حمید الدین سیالوی کا کہنا تھا کہ وزیر قانون پنجاب رانا ثنا اللہ کے استعفے کے معاملے پر حکومت کو کافی وقت دے دیا ہے، لیگی رہنما استعفوں کے معاملے پر مسلسل جھوٹ بول رہے ہیں اور اس پر ہم پر انگلیاں اٹھ رہی ہیں کہ ہماری حکومت سے ڈیل ہوگئی ہے، اسلئے میں حکومت سے علیحدگی کا اعلان کرتا ہوں اور اب رانا ثنا اللہ کا استعفیٰ نہیں لیا جائے گا بلکہ استعفوں کی تعداد میں مزید اضافہ ہوگا۔ پیر حمید الدین سیالوی کا کہنا تھا کہ حکومت سے اجازت ملے یا نہ ملے 10 دسمبر کو دھوبی گھاٹ فیصل آباد میں جلسہ ہوگا اور رانا ثنا اللہ کے استعفے تک تحریک جاری رہے گی جب کہ جو افراد ختم نبوت سے متعلق آئینی ترمیم کے ذمہ دار ہیں ان کو سزا دینے تک احتجاج جاری رہے گا۔ پیر صاحب نے کہا ہے پیر حمید الدین سیالوی نے اعلان کیا ہے کہ وہ رانا ثناء کے استعفے تک چین سے نہیں بیٹھیں گے۔ استعفے دینے والے ارکان اسمبلی کی تعداد میں اضافہ ہوا ہے۔ دریں اثناء پیر آف سیال شریف کے فیصل آباد کے جلسے میں علماءو مشائخ کی بڑی تعداد بھی شریک ہوگی۔ پیر حمیدالدین کے صاحبزادے نے کہا کہ پنجاب حکومت نے آستانہ عالیہ کی جانب سے دی گئی ڈیڈ لائن کے باوجود رانا ثناءسے استعفےٰ نہ لیا۔ آستانہ عالیہ سیال شریف ن لیگ سے اور حکومت وقت سے باقاعدہ علیحدگی کا اعلان کرتی ہے آنے والے الیکشن میں ن لیگ کا ساتھ نہیں دیا جائے گا۔ استعفوں کا اعلان کرتے ہیں جس کا دھوبی گھاٹ کے جلسہ میں اعلان کیا جائے گا۔ استعفوں میں وقت کے ساتھ اضافہ ہوتا جائے گا۔ ہمیں ارکان اسمبلی کی کالز موصول ہورہی ہیں تاہم ابھی ان کے نام نہیں دینگے۔ آستانہ عالیہ سیال شرےف کے سجادہ نشین حضرت خواجہ حمےد الدین سیالوی نے10دسمبر بروز اتوار صوبائی وزےر قانون رانا ثنا اللہ کے حلقہ انتخاب میں جلسہ کا اعلان کر دیا۔ وزےر اعلیٰ پنجاب میاں شہباز شرےف کو دی گئی مہلت بھی ختم۔ جلسہ عام میں ملک بھر سے پندرہ گدےوں کے سجادہ نشین ،جےد علمائے کرام ، مشائخ عظام اور لاکھوں مرےدےن شرکت کریں گے۔ فیصل آباد میں جلسہ کے لئے صوبائی پارلیمانی سےکرٹری صاحبزادہ غلام نظام الدین سیالوی نے باضابطہ درخواست جمع کروادی۔ انہوں نے کہا کہ وہ اور ان کا خاندان ختم نبوت کے معاملے پر پےچھے نہیں ہٹے گا۔ انہوں نے بتاےا کہ عمران خان اور آصف زرداری کی جانب سے ان سے رابطہ کیا گےا تاہم انہوں نے معذرت کر لی کیونکہ ہمارا مسئلہ سیاسی نہیں مذہبی ہے۔ اب ےہ مسئلہ صرف حضرت خواجہ حمےد الدین سیالوی تک محدود نہیں رہا بلکہ ملک بھر کے تمام برےلوی مسلک کے سجادہ نشینوں کا ہے۔10دسمبر کے جلسہ میں آئندہ کے لائحہ عمل کا اعلان کیا جائے گا اور احتجاجی تحرےک شروع کی جائے گی جو رانا ثنا اللہ کے استعفیٰ تک جاری رہے گی۔

اسلام آباد (آن لائن) مسلم لیگ (ن) کی حکومت کیلئے مصیبتوں میں روز بروز اضافہ ہورہا ہے، ختم نبوت کے معاملے کو چھیڑ کر حکومت نے نہ صرف پوری قوم کو بے چین کر دیا بلکہ پاکستان جو کہ بڑی تیزی سے مذہبی جنونیت سے روشن خیالی کی طرف بڑھ رہا تھا ایک بار پھر پرتشدد مذہبی گروہوں کی آماجگاہ بن رہا ہے۔ فیض آباد دھرنے کے نتیجے میں ہونے والے ایک معاہدے نے مذہبی جتھوں کو نیا حوصلہ دیدیا ہے۔ تازہ ترین اطلاعات کے مطابق مختلف سطحوں پر مذہبی گروہ متحد ہونے کی کوشش کر رہے ہیں۔ تین روز قبل متحدہ علماءو مشائخ کونسل نے خانقاہوں اور درگاہوں کے گدی نشینوں کا ہنگامی اجلاس بلا کر ایک نیا مذہبی پریشر گروپ بنانے کا اعلان کیا ہے اور حکومت کو خبردار کیا ہے کہ وہ ختم نبوت کے حلف نامہ اور قانون میں تبدیلی کرنے والے حکومتی ذمہ داران کیخلاف کارروائی کرے جس کے لئے انہوں نے محض تین چار روز کی مہلت دی ہے، متحدہ علماءو مشائخ پاکستان کے صدر پیر خواجہ عطاءاللہ تونسوی نے اجلاس کے بعد بتایا کہ پیر حمید الدین سیالوی نے صرف ایک وزیر قانون پنجاب کا استعفیٰ مانگا ہے ہم حکومت سے مطالبہ کرتے ہیں کہ وہ بلاتاخیر رانا ثناءاللہ کو عہدے سے فارغ کرے ورنہ ہم خانقاہوں اور درگاہوں کی سطح پر اپنے اپنے حلقہ اثر میں ارکان قومی و صوبائی اسمبلیوں سے استعفے دلوائیں گے۔ ہمیں پورا یقین ہے کہ مختلف سیاسی جماعتوں سے تعلق رکھنے والے 65 ایم این ایز ہمارے حکم پر اپنے استعفے پیش کریں گے۔ انہوں نے کہا کہ اگر درگاہوں کے سجادہ نشین و گدی نشین میدان میں آگئے تو پورا ملک جام کردیں گے اور پھر صرف رانا ثناءاللہ کے استعفے کی بات نہیں ہوگی بلکہ پوری حکومت کا استعفی مانگا جائے گا۔ خواجہ عطاءاللہ نے بتایا کہ ہم نے متفقہ فیصلے کے مطابق حکومت کو آگاہ کردیا ہے کہ اب کوئی مذاکرات نہیں ہونگے بلکہ حکومت ہمیں صرف یہ بتائے کہ اس نے ختم نبوت پر ڈاکہ مارنے کی کوشش کرنے والوں کے خلاف کیا کارروائی کی۔ انہوں نے کہا کہ ہمیں دکھ ہے کہ حکومت مستعفی وزیر قانون زاہد حامد کو نشان عبرت بنانے کی بجائے اسے نوازنے کی کوشش کر رہی ہے اور اطلاع ہے کہ زاہد حامد کو کسی بڑے یورپی ملک میں سفیر مقرر کیا جا رہا ہے، ہمیں اس حکومت سے کسی اچھائی کی توقع نہیں ہے۔ سانحہ ماڈل ٹاؤن لاہور کے ایشو میں بھی مسلم لیگ (ن) کی پنجاب حکومت نے قاتل پولیس افسران اور بیورو کریٹس کو انعامات سے نوازا، انہیں من پسند جگہوں پر تعینات کیا گیا۔ خواجہ عطاءاللہ تونسوی نے کہا کہ پیر حمید الدین سیالوی اپنی بات پر قائم ہیں اور اب ملک بھر کی درگاہوں کی گدی نشین بھی ان کی پیشت پر ہیں، ہمیں ایک استعفیٰ نہ ملا تو ہم65 ایم این ایز اور25ایم پی ایز کے استعفے داغیں گے۔

اسلام آباد (خصوصی رپورٹ) معروف ایٹمی سائنسدان ڈاکٹر عبدالقدیر خان نے کہا ہے کہ آج کے طالب علم کو اپنی تعلیم حاصل کرنے کے بعد زندگی کی دوڑ میں سچائی کا دامن نہیں چھوڑنا چاہئے اور کبھی بھی جھوٹ کا سہارا لے کر کام نہیں کرنا چاہئے۔ میں نے جو تعلیم حاصل کی اس کو اپنے پیارے ملک پاکستان کی خدمت میں کارآمد کردیا۔ ایک انجینئر کی ذمہ داری بہت زیادہ ہوتی ہے۔ اس کو مختلف پراجیکٹس میں کام کرنا ہوتا ہے۔ اس کا عقل و فہم سے کام کرنا لازم ہوتا ہے۔ ڈاکٹر قدیرنے کہا کہ وہ آج بھی روزانہ صبح قرآن کریم کی تلاوت کرتے ہیں۔ انہوں نے طلباء اور طالبات کو بھی اس کی تلقین کی۔ تقریب کے مہمان خصوصی چیئرمین پاکستان انجینئرنگ کونسل انجینئر جاوید سلیم قریشی نے کہا ہے کہ ان کے ادارے نے کونسل کے لائسنس کے لئے ایک انجینئرنگ کی ڈگری کے حامل افراد کے لئے قوانین میں ترمیم کرکے اسانیاں پیدا کردی ہیں۔