اسلام آباد (نیا اخبا ر رپورٹ) تحریک لبیک کے سربراہ علامہ خادم حسین رضوی نے دعویٰ کیا ہے کہ حکومت نے ان کے کچھ مزید مطالبات منظور کر لئے ہیں۔ دعوے کے مطابق پہلا نکتہ یہ ہے کہ حکومت نے رضامندی ظاہر کی ہے کہ پیر افضل قادری کی سربراہی میں ایک بورڈ بنایا جائے گا جو وزیر قانون رانا ثناءاللہ کے بیان کا جائزہ لے گا اور رانا ثناءاللہ کو بورڈ کا فیصلہ تسلیم کرنا ہو گا۔ دوسرا نکتہ یہ ہے کہ توہین رسالت قانون کے تحت مقدمات کے اندراج میں مشکل کا سامنا نہیں ہو گا۔ توہین کے الزام میں عدالت سے سزا پانے والوں سے کوئی نرمی نہیں برتی جائے گی۔ حکومت آسیہ مسیح سمیت کسی بھی گستاخ رسول کو بیرون ملک بھاگنے نہیں دے گی۔ تیسرا نکتہ ہے کہ لاﺅڈسپیکر کے ضروری استعمال پر پابندی نہیں ہو گی۔ چوتھا نکتہ یہ ہے کہ وزارت داخلہ اور وزارت خارجہ ڈاکٹر عافیہ کی بہن اور والدہ کو اعتماد میں لے کر ان کی رہائی کیلئے اقدامات کرے گی۔ پانچواں نکتہ یہ ہے کہ 9نومبر کو اقبال ڈے کی چھٹی بحال کی جائے گی۔ ساتوان نکتہ ہے کہ تحریک لبیک کے دو نمائندے ٹیکسٹ بک بورڈ کے پینل میں شامل ہوں گے‘ جن کتابوں کی اشاعت ہو گی ان میں جو تبدیلیاں ہوں گی‘ ان کا فیصلہ کریں گے۔ نصاب میں سیرت رسول کو شامل کیا جائے گا۔ آٹھواں نکتہ ہے کہ دھرنے میں آپریشن سے جاں بحق افراد کا چہلم 4جنوری کو لیاقت باغ میں ہو گا۔ نواں نکتہ ہے کہ ہر سال 25نومبر کو یوم شہداءناموس رسالت منایا جائے گا۔
9نکات

اسلام آباد (این این آئی) وزیر مملکت اطلاعات و نشریات مریم اورنگزیب نے کہا ہے کہ ملک کے وسیع تر مفاد کیلئے وزیر قانون زاہد حامد کو مستعفی ہونا پڑا، دھرنا ختم ہونے کے بعد شہریوں نے سکون کا سانس لیا ہے منگل کو احتساب عدالت کے باہر میڈیا سے گفتگو کرتے ہوئے انہوں نے کہا کہ پاکستان تیز رفتاری کے ساتھ ترقی کر رہا تھا کہ نواز شریف کو نااہل قرار دیدیا گیا مریم اورنگزیب نے کہا کہ دھرنا ختم ہونے کے بعد شہریوں نے سکون کا سانس لیا اور ملک کے اندر افراتفری اور انتشار کا خاتمہ ہوگیا ہے مریم اورنگزیب نے کہا کہ ملک کے وسیع تر مفاد کیلئے وزیر قانون کو مستعفی ہونا پڑا وزیر اطلاعات نے کہا کہ ملک انتشار کا متحمل نہیں ہو سکتا –

لاہور (خصوصی رپورٹ)تحریک لبیک یارسول اللہ اور تحریک صراط مستقیم کا لاہور میں دھرنا چوتھے روز بھی جاری رہا، دھرنے کی وجہ سے مال روڈ پر تمام تجارتی مراکز اور کاروباری مارکیٹیں بندرہیں جبکہ مال روڈ اوراس سے ملحقہ سڑکوں پر ٹریفک نہ ہونے کے برابر تھی۔ سنی اتحاد کونسل نے دھرنے کی تائید و حمایت کا اعلان کردیا ہے اوراس کے چیئرمین صاحبزادہ حامد رضامال روڈ پر جاری دھرنے میں شامل ہوگئے۔ حامد رضا نے اشرف جلالی سے ملاقات کے بعد دھرنے سے خطاب کرتے ہوئے کہا کہ رانا ثناءاللہ کے استعفیٰ تک مال روڈ پر دھرنا جاری رہے گا، شہدائے ختم نبوت کا قصاص لینے تک چین سے نہیں بیٹھیں گے، 7شہادتوں کے ذمہ داران کے تعین کے لئے جے آئی ٹی بنائی جائے۔ فیصل چوک میں پریس کانفرنس کرتے ہوئے ڈاکٹر اشرف آصف جلالی نے اسلام آباد دھرنا سے لاتعلقی کا اظہار کردیا اور کہا کہ جب تک رانا ثناءاللہ استعفیٰ نہیں دیتے اور دیگر مطالبات تسلیم نہیں کئے جاتے احتجاج جاری رکھیں گے، اسلام آباد دھرنے کی قیادت نے جو معاہدہ کیا، ہم اس پر بھی اتفاق نہیں کرتے، ضرورت پڑی تو حکومت پر دباﺅ بڑھانے کےلئے دیگر صوبوں میں بھی احتجاج کے سلسلے کو پھیلائیں گے۔ دوسری جانب وزیرقانون پنجاب رانا ثناءاللہ نے مستعفی ہونے سے انکار کردیا۔ نجی ٹی وی سے گفتگو میں انہوں نے کہا کہ جنہوں نے دھرنے والوں سے معاملات طے کرائے، وہی لاہور والوں سے بات کریں۔ رانا ثناءاللہ نے کہاکہ دھرنے والوں نے کبھی میرے استعفے کا مطالبہ نہیں کیا، جس استعفے کی ڈیمانڈ تھی،وہ آگیا جبکہ باقی معاملات بھی حل ہوگئے ہیں۔ انہوں نے مزید کہا ہے کہ فیض آباد دھرنے کے معاہدے میں ثالثی کسی اور نے نہیں وزیراعلیٰ پنجاب نے کی۔لاہور‘ گجرات‘ وزیرآباد‘ راہوالی (نمائندگان نیااخبار) اسلام آباد میں 22روزہ دھرنا دینے کے بعد تحریک لبیک کے رہنماﺅں علامہ خادم رضوی اور پیر افضل قادری کی سربراہی میں قافلہ لاہور پہنچ گیا۔ قافلے کا مختلف شہروں میں پرتپاک استقبال کیا گیا۔ گجرات میں جی ٹی ایس چوک میں استقبالیہ جلسہ سے خطاب کرتے ہوئے علامہ خادم رضوی اور پیر افضل قادری نے کہا کہ وفاقی وزیر قانون زاہد حامد کا استعفیٰ ابتداءہے۔ ختم نبوت حلف نامہ میں ترمیم کرنے والے تمام کردار بے نقاب ہوں گے اور جو جو ملوث ہے اس کے خلاف کارروائی ہو گی۔ حکمران جماعت اپنی قدر کھو چکی ہے۔ انہوں نے کہا دھرنا شہداءکا خون رائیگاں نہیں جائے گا۔ ہم نے ان سے بدلہ لینا ہے۔ اس کیلئے تمام کارکن 2018ءکے انتخابات سے قبل تحریک لبیک یا رسول اللہ کا پیغام گھر گھر پہنچائیں۔ پیر افضل قادری نے کہا دھرنا میں کوئی شہادت نہیں ہوئی بلکہ چودھری نثار کے گھر کے باہر لوگوں کو مارا گیا اور حکومت نے ابھی کئی لاشیں غائب کی ہوئی ہیں۔ حکمرانوں کو اس ظلم کا حساب دینا ہو گا۔ انہوں نے کہا ہمارے حکومت کے ساتھ معاہدہ میں فوج کے سربراہ جنرل قمر جاوید باجوہ نے مکمل کردار ادا کیا اور حکومت کو صاف کہہ دیا کہ ہم عاشقان رسول پر گولیاں نہیں چلائیں گے۔ وزیرآباد میں اللہ والا چوک پر خطاب کرتے ہوئے علامہ خادم حسین رضوی نے کہا کہ شہادتوں کی تعداد کم بتائی جا رہی ہے کیونکہ انتظامیہ اور پولیس نے شہداءکی نعشیں غائب کر دی ہیں۔ پیر افضل قادری نے کہا کہ جب تک ملک میں شریعت محمدی نافذ نہیں ہو جاتی‘ ہماری جدوجہد جاری رہے گی۔ راہوالی میں خطاب کرتے ہوئے علامہ خادم رضوی نے کہا عوام آئندہ انتخابات میں مجاہدین ختم نبوت پر گولیاں برسانے والوں کو ووٹ دینے کی غلطی نہ کریں۔ ملک میں نظام مصطفی رائج ہونے تک چین سے نہیں بیٹھیں گے۔ انہوں نے اعلان کیا کہ 4جنوری کو لاہور سے اسلام آباد تک لانگ مارچ کیا جائے گا اور راولپنڈی کے تاریخی لیاقت باغ میں شہداءکانفرنس منعقد کی جائے گی۔ ایک نجی ٹی وی سے گفتگو کرتے ہوئے خادم رضوی نے کہا کہ شہبازشریف جھوٹ بول رہا ہے‘ ان کا ثالثی میں کوئی کردار نہیں‘ زاہد حامد کا استعفیٰ آرمی چیف کے کہنے پر دیا گیا۔ انہوں نے کہا جو کہیں گے منظور کروا کے دیں گے۔ علاوہ ازیں نارووال میں گرفتار 34کارکنوں کو جیل سے رہا کردیا گیا۔ دوسری جانب ڈی جی رینجرز میجرجنرل اظہر نوید حیات نے فیض آباد کا دورہ کر کے سکیورٹی کا جائزہ لیا۔ اہلکار ابھی تک فیض آباد کے گرد سکیورٹی کیلئے تعینات ہیں۔ خادم رضویلاہور (خصوصی رپورٹ) وزیراعلیٰ پنجاب شہباز شریف نے مظاہروں کے دوران حراست میں لیے گئے تحریک لبیک یا رسول اللہ کے رہنمائں اور کارکنوں کی فوری رہائی کا حکم دیدیا۔ ترجمان پنجاب حکومت کے مطابق وزیراعلیٰ نے گزشتہ چند روز سے حراست میں لئے گئے تحریک لبیک یا رسول اللہ کے رہنماﺅں اور کارکنوں کی رہائی کا حکم خیر سگالی کے جذبہ کے طور پر دیا ہے۔ علاوہ ازیں وزیراعلیٰ پنجاب کی زیرصدارت اعلیٰ سطحی اجلاس میں ”خادم پنجاب صاف پانی پروگرام“ کے امور پر پیشرفت کا جائزہ لیا گیا۔ وزیراعلیٰ نے اجلاس سے خطاب کرتے ہوئے کہا کہ پیذنے کے صاف پانی کی فراہمی کا پروگرام مفاد عامہ کا بہت بڑا منصوبہ ہے اور اس کو بہترین انداز سے سے آگے بڑھانے کی ضرورت ہے۔ ماضی میں پینے کے صاف پانی کی فراہمی کے پروگرام میں تاخیر ہوئی، چند عناصر کی وجہ سے اس پروگرام کو دھچکہ پہنچا، تاہم اب تیزی سے کام کرتے ہوئے تاخیر کا ازالہ کرنا ہوگا۔ عوام کو بہترین خدمات کی فراہمی کیلئے نیت نیک ہو تو کامیابی قدم چومتی ہے اس پروگرام سے عوام کو پینے کا صاف پانی ملے گا جو انکار بنیادی حق ہے اور ہم نے ملکر یہ حق صوبہ کے عوام کو دینا ہے۔

کراچی (خصوصی رپورٹ)25دسمبر 2012 کو ڈیفنس میں ایک ایسا قتل ہوا جس نے معاشرے کو ہلا کر رکھ دیا، نجی یونیورسٹی کے جواں سال طالب علم شاہزیب خان کو سندھ کی ایک طاقتور شخصیت کے بیٹے شاہ رخ جتوئی نے چار ساتھیوں کے ساتھ ملکر قتل کردیا۔ سپریم کورٹ نے از خود نوٹس لیا اور سابق چیف جسٹس کی ذاتی دلچسپی لینے پر پولیس بھی متحرک ہوگئی اور مرکزی ملزم دبئی سے پکڑا گیا جبکہ دیگر ملزمان سندھ سے ہی پکڑے گئے، 2013میں انسداد دہشت گردی کی عدالت سے شاہ رخ جتوئی کو سزا ہوئی لیکن اسی سال مقتول کے والد نے بھاری رقم اور دیگر مراعات لیکر قاتل کو معاف کردیا۔شاہزیب قتل کی دیت میں27کروڑ روپے، ڈیفنس میں بنگلہ ، آسٹریلیا میں فلیٹ اور امیگریشن کے اخراجات بھی شامل ہیں۔ جیل میں سزائے موت کے مجرم شاہ رخ جتوئی کو کسی شہزادے کی طرح رہنے کا موقع ملا۔تفصیلات کے مطابق تقریبا پانچ برس پہلے 2012 کے دسمبر کی 24 اور 25 کی درمیانی شب تھی جب گاڑی پر فائرنگ کر کے نجی یونیورسٹی کے طالب علم 21 سالہ شاہزیب خان کو قتل کیا گیا، اس کو قتل کرنے کی وجہ یہ سامنے آئی کہ اس نے اپنی بہن کو تنگ کرنے والے افراد کو روکنے کی کوشش کی اور فائرنگ میں ہلاک ہوگیا۔ یہ ایسا دلخراش واقعہ تھا جس نے عدلیہ اور میڈیا سمیت سب کو ہلا کر رکھ دیا اور اتنی آوازیں بلند ہوئیں کہ اس پر قانون کو حرکت میں آنا پڑا۔ کیس کا مرکزی مجرم اپنی شناخت چھپاکر دبئی فرار ہونے میں کامیاب ہو گیا تھا تاہم اسے دبئی سے گرفتار کیا گیا جبکہ دیگر تین سراج تالپور، سجاد تالپور اور غلام مرتضی لاشاری بھی گرفتار کرلئے گئے۔ مقدمے میں انسداد دہشت گردی کی دفعہ کو شامل کیا گیا اور جون 2013 میں چاروں مجرمان کو سزائیں ہوگئیں۔ تاہم شاہ رخ جتوئی کے اہلخانہ نے خون بہا کی کوششیں جاری رکھیں اور ذرائع کے مطابق خون بہا طے ہو گیا۔ 27 کروڑ روپے کی رقم دبئی میں وصول کی گئی، ڈیفنس میں پانچ سو گز کا ایک بنگلہ ، آسٹریلیا میں فلیٹ اور امیگریشن کے اخراجات بھی اس میں شامل ہیں۔ یہ تمام معاہدہ شاہ زیب کے والد ڈی ایس پی اورنگزیب کے ساتھ کیا گیا۔ اس سلسلے میں جیونیوز سے خود رابطہ کرکے شاہزیب کی والدہ اور بہن نے خون معاف نہ کرنے کی یقین دہانی بھی کرائی لیکن ستمبر 2012 میں دیت کر کے اس کا صلح نامہ بھی عدالت میں جمع کرادیا گیا۔ تاہم انسداد دہشت گردی کی دفعہ ختم نہیں کی جاسکی۔ اس دوران ذرائع کے مطابق جیل میں سزائے موت کے مجرم شاہ رخ جتوئی کو کسی شہزادے کی طرح رہنے کا موقع ملا۔ ذرائع نے دعوی کیا کہ شاہ رخ جتوئی کئی دن جیل سے غائب بھی رہا، کھانے کیلئے پسند کا مینو پیش کیا جاتا رہا جبکہ باہر سے ان کیلئے کھانا لانے کیلئے بھی انتظام موجود تھا، دو ماہ سے وہ طبی بنیادوں پر جناح اسپتال میں ہیں۔

اسلام آباد (این این آئی) ”والد کی موجودگی میں کیسے بات کرسکتی ہوں کہیں ڈانٹ ہی نہ پڑ جائے“ یہ بات مریم نواز نے صحافی کی جانب سے پوچھے ایک سوال کے جواب میں کہی۔ گزشتہ روز احتساب عدالت میں پیشی کے موقع پر مریم نواز سے ایک صحافی نے سوال کیا کہ کیا آپ اسلام آباد ہائیکورٹ کے جج شوکت عزیز صدیقی کے پیر کو دھرنے کے حوالے سے دیئے گئے ریمارکس پر بات کچھ کہیں گی؟ جس پر مریم نواز نے کہا کہ میرے والد میرے ساتھ بیٹھے ہیں ان کی موجودگی میں کیسے بات کرسکتی ہوں اگر بات کروں تو کہیں وہ ڈانٹ ہی نہ دیں اس موقع پر صحافی اور دیگر لوگ مسکرا پڑے۔

لاہور+ ساہیوال+ سرگودھا+ وہاڑی (خصوصی رپورٹ)صوبائی وزیر اوقاف زعیم قادری نے کہا کہ ختم نبوت پر کئی وزارتیں قربان کی جا سکتی ہیں۔ رانا ثنا اللہ صوبائی وزیر قانون تین دسمبر کی شام تک اپنا تحریری استعفی حمید الدین سیالوی کو پیش کر دیں گے ان خیالات کا اظہار انہوں نے گزشتہ روز سیال شریف میں صحافیوں سے بات چیت کرتے ہوئے کیا اور کہا کہ تحریک پاکستان میں سیال شریف کا تاریخ ساز کردار ہے، ختم نبوت کے لیے ہم ہر قسم کی قربانی دینے کے لیے تیار ہیں۔ اس موقع پر ملک وارث کلو ایم پی اے، شیخ اکرم ایم این اے، حامد حمید ایم این اے، عبدالرزاق ڈھلوںایم پی اے، نظام الدین سیالوی ایم پی اے ،غلام بی بی بھروانہ ایم این اے اور دیگر بھی موجود تھے۔ قبل ازیں زعیم قادری اور وارث کلو نے خواجہ حمید الدین سیالوی سے مذاکرات کئے۔ ان کے تحفظات دور کرنے کی کوشش کی، اس موقع پر خواجہ حمید الدین سیالوی نے کہا کہ اگر رانا ثنا اللہ تین دسمبر شام تک اپنا استعفی نہیں دیتے تو وہ جیل بھرو تحریک شروع کریں گے۔ ایک سوال کے جواب میں انہوں نے کہا کہ پندرہ ایم پی ایز اور ایم این ایز کے استعفے ان کی جیب میں ہیں وہ بھی مستعفی ہوجائیں گئے۔ اس موقع پر ایم این ایز چوہدری حامد حمید ،شیخ محمد اکرم، غلام بی بی بھروانہ اور ایم پی ایز عبدالرزاق ڈھلوں ،نظام الدین سیالوی اور وارث کلو نے کہا کہ اگر اس وقت طے کئے گئے معاہدہ کی پاسداری نہ کی گئی تو وہ بھی گدی نشین سیال شریف حضرت خواجہ حمید الدین سیالوی کا ساتھ دیں گے۔وہاڑی سے نامہ نگار کے مطابق وہاڑی سے ایم این اے طاہر اقبال چودھری کی مسلم لیگ (ن) سے گزشتہ روز علیحدگی کے اعلان کے بعد وزیراعلی پنجاب میاں شہباز شریف نے ایم پی اے میاں ثاقب خورشید کو ٹیلی فون کرکے ماڈل ٹاﺅن طلب کیا۔ گزشتہ روز ایم پی اے میاں ثاقب خورشید نے ایم پی اے چودھری ارشاد ارائیں کے ہمراہ وزیراعلی پنجاب میاں شہباز شریف سے ملاقات کی۔ حلقہ کے مسائل اور سیاسی صورتحال سے آگاہ کیا۔ اس موقع پر مسلم لیگ (ن) کے مرکزی رہنمامیاں حمزہ شہباز شریف سے بھی ملاقات ہوئی جس میں انہو ں نے گفتگو کرتے ہوئے کہا کوئی نظریاتی رہنما و رکن اسمبلی مشکل حالات میں پارٹی چھوڑنے کا سوچ بھی نہیں سکتا۔ انہوں نے کہا مشکل حالات ختم ہونے والے ہیں۔ الیکشن کی بھرپور تیاری کی جائے۔ مقامی لیگی رہنما اپنے اختلافات دفن کردیں تو این اے169سمیت ضلع کی تمام نشستوں پر لیگی امیدواروں کی کامیابی یقینی ہے۔ انہوں نے نامکمل منصوبوں کی تفصیل کا ذکر کرتے ہوئے نئے منصوبوں کیلئے گرانٹ دینے اور جلد وہاڑی آنے کا عندیہ بھی دیا۔ آخر میں دونوں ایم پی ایز نے اپنی تجاویز سے بھی آگاہ کیا جس پر جلد دوبارہ میاں شہباز شریف سے میٹنگ کرانے کا وعدہ کیا گیا۔ چیئرمین میونسپل کمیٹی وہاڑی شیخ محمد حسین سلیم سٹی کونسلر شیخ جاوید احمد عرف کالا نے کہا ہے ہم نے ایم این اے طاہر اقبال چودھری کے ساتھ اظہار یکجہتی کرتے ہوئے مسلم لیگ ن کو خیر باد کہہ دیا ہے۔ساجد ضیا، دی نیشن رپورٹ کے مطابق میڈیا رپورٹس میں 20 پارلیمنٹیرینز کے استعفی کی خبریں آ رہی ہیں۔ ناراض گروپ میں چودھری حامدحمید، رانا غیاث خان، عبدالرزاق ڈھلوں اور نثار جٹ کے کام سامنے آئے ہیں جب کہ بانی ارکان نے اپنے نام صیغہ راز میںرکھے ہیں۔ ادھر حکومت نے دعوی کیا ہے کہ زعیم قادری کی سیالوی سے ملاقات کے بعد صورت حال غیر جانبدار ہو گئی ہے۔نوائے وقت رپورٹ کے مطابق وزیر قانون پنجاب رانا ثنا اللہ نے نجی ٹی وی سے گفتگو کرتے ہوئے کہا ہے پیر حمید الدین سیالوی درویش آدمی ہیں، ان کے تحفظات دور کرنے جاﺅں گا۔ کیسے ہوسکتا ہے وہ کہیں تو میں کلمہ نہ پڑھوں، کیسے ممکن ہے میں قادیانی کو کافر نہ کہوں، مجھ سے بات ہوگی تو پیر سیالوی کی غلط فہمیاں دور ہوجائیں گی جس استعفے کی ڈیمانڈ تھی وہ آگیا دیگر معاملات بھی حل ہوگئے۔

سرگودہا ( شےخ رضوان سے ) وزےر اعلیٰ پنجاب مےاں شہبا ز شرےف کی ہداےت پر صوبائی وزےر مذہبی امور واوقاف پنجاب سےد زعےم قادری آستانہ عالےہ سےال شرےف پہنچے اور سجادہ نشےن آستانہ عالےہ سےال شرےف خواجہ محمد حمےد الدےن سےالوی سے ملاقات کی ۔ خواجہ محمد حمےد الدےن سےالوی نے کہا کہ ناموس ِ رسالت کے مسئلہ پر ذمہ داروں کو سزا ملنی چاہےے رانا ثنا ءاللہ جب تک استعفیٰ نہےں دےتے مےرا احتجاج جاری رہے گا اور مےں لاہور جاکر بھوک ہڑتال کرونگا ۔مشائخ عظائم اور علماءکرام نے مشترکہ طورپر صوبائی وزےر کو اپنے مطالبات کی تحرےری قرارداد پےش کی جس مےں کہا گےا کہ انتخابی اصلاحات بل مےں ختم نبوت کے حوالے سے تبدےل کےوں کی گئی اس کے محرکات کےا ہےں رانا ثنا ءاللہ 3دسمبر تک اپنا استعفیٰ آستانہ عالےہ سےال شرےف کے سجادہ نشےن خواجہ محمد حمےد الدےن سےالوی کو دےکر اعلان کرےں کہ وہ قادےانےوں کو کافر مانتا ہے اور کلمہ پڑھ کر کہہ کہ مےں مسلمان ہوں اور آئندہ قادےانےوں کے حق مےں کسی قسم کا بےان نہےں دونگا ۔مزےد علمائے کرام نے کہا کہ اگر ہمارے تحفظات دور نہ کئے گئے تو وہ خواجہ محمد حمےد الدےن سےالوی کی قےادت مےں لاہور جاکر احتجاجی دھرنا دےنگے جس مےں ملک بھر سے مشائخ عظائم ، علماءکرام شمع رسالت کے پروانے لاکھوں کی تعداد مےں شرکت کرےنگے اس موقع پر صوبائی وزےر زعےم قادری نے کہا کہ وہ خواجہ حمےد الدےن سےالوی کے تحفظات دور کرےنگے ۔ وزےر اعلیٰ پنجاب مےاں شہباز شرےف کو حالات سے آگاہ کرونگا صوبائی وزےر قانون رانا ثناءاللہ بہت جلد مےرے ساتھ سےال شرےف خواجہ محمد حمےد الدےن سےالوی سے ملاقات کے لئے آئےنگے اور خواجہ محمد حمےد الدےن سےالوی کے تحفظات دورکرےنگے ۔صوبائی وزےر نے کہا کہ وہ خواجہ حمےد الدےن سےالوی کی اور اِن کے بزرگوں کی ملک وقوم اور دےن واسلام کےلئے اِن کی خدمات کو خراج تحسےن پےش کرتا ہے تحرےک پاکستان کےلئے ان کا کردار تارےخ کا حصہ ہے وزےر اعلی پنجاب نے زاہد حامد کو مستعفی کرواےا راجہ ظفر الحق رپورٹ جلد عوام کے سامنے ہوگی ۔ ختم نبوت ہمارے اےمان کا حصہ ہے ۔ اس موقع پر ارکان قومی و صوبائی اسمبلی شےخ محمد اکرم، چوہدری حامد حمےد، وارکلوں ، عبدالرزاق ڈھلوں ، نظام الدےن سےالوی ، غلام بی بی بھروانہ اور کثےر تعداد مےں علماءکرام موجود تھے ۔صوبائی وزےر زعےم قادری نے خواجہ محمد حمےد الدےن سےالوی کو وزےر اعلیٰ پنجاب کی طرف سے ےقےن دہانی کروائی کہ وہ آپکے تحفظات 3دسمبر تک دور کرےنگے ۔ خواجہ محمد حمےد الدےن سےالوی نے کہا کہ اگر 3دسمبر کی طے کئی گئی ڈےڈ لائن تک رانا ثنا ءاللہ نے استعفیٰ نہ دےا تو وہ نا صرف بھوک ہڑتال کرےنگے بلکہ اپنے لاکھوں عقےدت مندوں کے ہمراہ لاہور مےں جاکر دھرنا دےنگے ناموس رسالت پر کسی قسم کا سمجھوتہ ہر گز نہےں کرےنگے وہ اپنے موقف پر قائم ہےں ۔اس موقع پر سرگودھا کے حامد حمےد نے اپنے خالی پےڈ پر دستخط کرکے اپنا استعفیٰ خواجہ محمد حمےد الدےن سےالوی کے حوالے کےا ۔ وارث کلوں اےم پی اے اور عبدالرزاق ڈھلوں اےم پی اے نے بھی خواجہ حمےد الدےن سےالوی کو دےئے گئے استعفوں کی تصدےق کی جبکہ شےخ اکرم اےم اےن اے نے کہا کہ وہ خواجہ حمےد الدےن سےالوی کے ہر فےصلے کی تاعےد کرتے ہےں ہم تحفظ ختم نبوت کے مسئلہ پر خواجہ حمےد الدےن کے ساتھ ہےں۔بعد ازاں صوبائی وزےر زعےم قادری نے دربار آستانہ عالےہ سےال شرےف پر حاضری دی اُنکے ہمراہ صاحبزادہ محمد قاسم سےالوی اور صاحبزادہ غلام نظام الدےن سےالوی بھی تھے۔

اسلام آباد (خصوصی رپورٹ) پاکستان تحریک انصاف کی مرکزی رہنما شیریں مزاری کی بیٹی ایمان مزاری نے پاک فوج کے خلاف ہرزہ سرائی کی ویڈیو سوشل میڈیا پر وائرل کر دی ہے ایمان مزاری نے اپنے ویڈیو پیغام میں پاک فوج کی وساطت سے تحریک لبیک
پاکستان کے ساتھ طے پانے والے معاہدے کو شدید ہدف تنقید بنایا ہے اور وہ کہا ہے کہ پاک فوج نے دہشت گرد کے ساتھ معاہدہ کیا ہے اس موقع پر ایمان مزاری نے پاک فوج کیخلاف لعن طعن بھی کی ہے اور غلاظت سے بھر پور الفاظ کا استعمال کیا ہے شیریں مزاری کی بیٹی نے تحریک لبیک کا دھرنا ختم کرانے میں کردار ادا کرنے اور ڈی جی رینجرز پنجاب میجر جنرل اظہر نوید کی جانب سے چند اراکین میں پیسے تقسیم کرنے پر سخت تنقید کی ہے تحریک لبیک کے ساتھ معاہدے کرنے پر پاک فوج کو تنقید کا نشانہ بناتے ہوئے کہا کہ ایسا کر کے پاک فوج کے ان افسران و جوانون کی قربانیوں کی بے عزتی کی گئی ہے۔ ان کا کہنا تھا کہ فوج نے 70 سل میں یہ نہیں سیکھا کہ یہ لوگ ملک کو جلا کر رکھ دین گے۔ یہ لوگ کسی کیساتھ بھی مخلص نہیں ہیں اور صرف نفرت پھیلانے آئے ہیں۔ ایمان مزاری نے علامہ خادم حسین رضوی اور دیگر مذہبی رہنماﺅں کو دہشت گرد کہا ہے، ویڈیو پیغام ایمان مزاری نے کہا ہے کہ پاک فوج کی ایماءپر دھرنا دینے والے اسلام آباد آئے اور پاک فوج نے ہی انہیں پیسے دے کر واپس پھیجا ہے اس موقع پر انہوں نے پاک فوج کو دہشت گرددون کا ساتھی قرار دیتے ہوئے پاک فوج کے خلاف آواز اٹھانے کی اپیل کی ہے ایمان مزاری کا یہ ویڈیو بیان سوشل میڈیا پر وائدل ہو چکا ہے اور اب تک لاکھوں لوگ اسے دیکھ کر مختلف آراکا اظہار کر رہے ہیں۔

لاہور(کرائم رپورٹر) تحریک لبیک یارسول کے چیئرمین اشرف جلالی کا کہنا ہے کہ ہماری تنظیم تحریک لبیک یارسول کے نام سے ہے لیکن الیکشن کمیشن میں تحریک لبیک پاکستان کے نام سے رجسٹرڈ ہے،خادم حسین رضوی نے حکومت سے معاہدہ کرتے وقت ہم سے کوئی مشاورت نہیں کی،ہم اس معاملے میں ان کے ساتھ نہیں ہیں۔ اشرف جلالی کا کہنا تھا کہ ہمار ا حکومت سے پہلے ہی معاہدہ ہو چکا تھا نئے معاہدے کی ضرورت ہی نہیں تھی ،ہمارا حکومت سے 3نومبر کو 6نکاتی معائدہ طے پایا تھا جو اسلام آباد انتظامیہ ،وفاقی وزیر ریلوے سعد رفیق اور وزیر مملکت طلال چوہدری کے ساتھ ہوا تھا،جس میں ہمارے تما م مطالبات مانے گئے تھے ،حکومت نے ہمارے مطالبات پورے کرنے کے لئے 20دن مانگے تھے جو 23نومبر کوپورا ہوگئے ،اب تک ہمارے تین مطالبات پورے ہوچکے ہیں تاہم اب اس کے ساتھ فیض آباد دھرنا اور اس کے ساتھ اپنی یک جہتی دکھانے والے دوسرے شہروں میں شہید ہونے والے 6افراد کی شہادت کی تحقیقات کا چوتھا مطالبہ بھی شامل ہو گیا ہے۔انہوں نے کہا کہ ابھی تک ان شہدا کی ایف آئی آر تک نہیں کاٹی گئی ۔ اشرف جلالی کہتے ہیں کہ زاہد حامد کا جرم تو ابھی ثابت ہونا ہے ،جب وہ ثابت ہوجائے گا تو اس کی سزا بھی تجویز کی جائے گی۔ پنجاب کے وزیر قانون کا جرم تو ثابت ہے وہ تو کھلم کھلا قادنیوں کواپنا بھائی کہتا پھر رہا ہے ۔انہوں نے مزید کہا کہ ہم پہلے بھی پر امن تھے آئندہ بھی پر امن رہیں گے۔