آکلینڈ(نیوزایجنسیاں)آکلینڈ مینز کلاسک ٹینس ٹورنامنٹ کے ڈبلز میں اعصام الحق اور پولش پلیئر مارسن میٹووسکی نے ابتدائی میچ جیت کر کوارٹر فائنل میں جگہ بنالی۔فورتھ سیڈ جوڑی نے پہلے راو¿نڈ میں امریکی جوڑی جون اسنر اور ریان ہیریسن کوشکست سے دوچارکیا، پہلے راو¿نڈ کے میچ میں پاک پولش جوڑی نے امریکی جوڑی جون اسنر اور ریان ہیریسن کیخلاف دلچسپ مقابلے میں 6-7 (7/4) اور1-6 سے فتح سمیٹی، سیمی فائنل میں پہنچنے کیلیے اب اعصام الحق اور میٹووسکی کو میکسیکو کے سانتیاگو گونزالز اور اسپیشن پلیئر ڈیوڈ ماریرو کے چیلنج کا سامنا رہے گا۔

برسبین (اے پی پی) بابر اعظم، شرجیل خان اور عمر اکمل کی شاندار نصف سنچریوں کی بدولت پاکستان نے کرکٹ آسٹریلیا الیون کو ٹور میچ میں 196 رنز سے ہرا دیا۔ پاکستان ٹیم نے پہلے کھیلتے ہوئے مقررہ 50 اوورز میں 7 وکٹوں پر 334 رنز بناکر کرکٹ آسٹریلیا الیون کو میچ میں کامیابی کے لئے 335 رنز کا ہدف دیا جس کو حاصل کرنے کی کوشش میں کرکٹ آسٹریلیا الیون کی ٹیم 36.2 اوورز میں 138 رنز پر ہی ڈھیر ہوگئی۔ پاکستان کی طرف سے بابر اعظم 98، شرجیل خان 62، عمر اکمل 54 اور شعیب ملک 49 رنز بناکر نمایاں رہے۔ کرکٹ آسٹریلیا الیون کی طرف سے ہنری تھارنٹن اور کیمرون گرین 3,3 وکٹوں کو آﺅٹ کیا۔ پاکستانی باﺅلرز کی عمدہ باﺅلنگ کی بدولت کرکٹ آسٹریلیا الیون کے 8 کھلاڑی دوہرا ہندسہ بھی عبور نہ کرسکے۔ کرکٹ آسٹریلیا الیون کے جوش اینگلش70 رنز بناسکے، پاکستان کی طرف سے حسن علی نے 3، عماد وسیم اور شعیب ملک نے 2,2 جبکہ راحت علی، محمد نواز اور اظہر علی نے ایک ایک کھلاڑی کو آﺅٹ کیا۔ تفصیلات کے مطابق کرکٹ آسٹریلیا الیون کے کپتان ولیم بوسسٹو نے ٹاس جیت کر پہلے فیلڈنگ کا فیصلہ کیا۔ پاکستان کی ٹیم کی طرف سے اسدشفیق اور شرجیل خان نے اننگز کا آغاز کیا۔ اسد شفیق 4 رنز بناکر تھورنٹن کی گیند پر آﺅٹ ہوگئے، شرجیل خان بدقسمتی سے 62 رنز بناکر رن آﺅٹ ہوگئے، شعیب ملک 49 رنز بناکر گرین کی گیند پر اینگلش کے ہاتھوں کیچ آﺅٹ ہوگئے، عمر اکمل 54 رنز بناکر تھورنٹن کی گیند پر اینگلش کے ہاتھوں کیچ آﺅٹ ہوگئے، بابر اعظم 98 رنز بناکر تھورنٹن کی گیند پر سانگہا کے ہاتھوں کیچ آﺅٹ ہوگئے،عماد وسیم 15 رنز بناکر گرین کی گیند پر میریڈتھ کے ہاتھوں کیچ آﺅٹ ہوگئے، محمد نواز 12 رنز بناکر گرین کی گیند پر میریڈتھ کے ہاتھوں کیچ آﺅٹ ہوگئے،محمد رضوان 22 اور اظہر علی 1 رن کے ساتھ ناٹ آﺅٹ رہے یوں پاکستان ٹیم نے پہلے کھیلتے ہوئے مقررہ 50 اوورز میں 7 وکٹوں پر 334 رنز بناکر کرکٹ آسٹریلیا الیون کو میچ میں کامیابی کے لئے 335 رنز کا ہدف دیا۔ کرکٹ آسٹریلیا الیون کی طرف سے ہنری تھارنٹن اور کیمرون گرین 3,3 وکٹوں کو آﺅٹ کیا 335 رنز کے تعاقب میں پاکستانی باﺅلرز کی عمدہ باﺅلنگ کی بدولت کرکٹ آسٹریلیا الیون کی ٹیم 36.2 اوورز میں 138 رنز پر ہی ڈھیر ہوگئی اور اسکے 8 کھلاڑی دوہرا ہندسہ بھی عبور نہ کرسکے۔ ٹی جے ڈین بغیر کوئی رن بنائے، عماد وسیم کی گیند پر ایل بی ڈبلیو آﺅٹ ہوگئے، ثام راپہیل بھی عماد وسیم کی گیند پر ایل بی ڈبلیو آﺅٹ ہوگئے۔، کرکٹ آسٹریلیا الیون کی ٹیم کے کپتان بوسسٹو 3 رنز بناکر حسن علی کی گیند پر کلین بولڈ ہوگئے، پیوکوسکی 10 رنز بناکر حسن علی کی گیند پر اسد شفیق کے ہاتھوں کیچ آﺅٹ ہوگئے،سنگہا 20 رنز بناکر شعیب ملک کی گیند پر شرجیل خان کے ہاتھوں کیچ آﺅٹ ہوگئے، وکٹ کیپر ہنچلیف 4 رنز بناکر شعیب ملک کی گیند پر کلین بولڈ ہوگئے اس موقع پر اینگلش کی اننگز کا بھی خاتمہ ہوگیا اور وہ 70 رنز بناکر اظہر علی کی گیند پر ایل بی ڈبلیو آﺅٹ ہوگئے، سوتھرلینڈ 9 رنز بناکر محمد نواز کی گیند پر اظہر علی کے ہاتھوں کیچ آﺅٹ ہوگئے، تھورنٹن 5 رنز بناکر راحت علی کی گیند پر کلین بولڈ ہوگئے، گرین کرکٹ آسٹریلیا الیون کی ٹیم کے آخری آﺅٹ ہونے والے کھلاڑی تھے جو 8 رنز بناکر حسن علی کی گیند پر شرجیل خان کے ہاتھوں کیچ آﺅٹ ہوگئے، میریڈیتھ 2 رنز کے ساتھ ناٹ آﺅٹ رہے اور یوں کرکٹ آسٹریلیا الیون کی ٹیم 335 رنز ہدف کے تعاقب میں 36.2 اوورز میں 138 رنز پر ہی ڈھیر ہوگئی اور پاکستان نے ٹور میچ میں کرکٹ آسٹریلیا الیون کی ٹیم کو 196 رنز سے ہرا دیا۔ پاکستان کی طرف سے حسن علی نے 3، عماد وسیم اور شعیب ملک نے 2,2 جبکہ راحت علی، محمد نواز اور اظہر علی نے ایک ایک کھلاڑی کو آﺅٹ کیا۔

لاہور(نیوزایجنسیاں)پاکستان کرکٹ بورڈ نے کہا ہے کہ فیڈریشن آف انٹرنیشنل کرکٹرز ایسوسی ایشن ( فیکا ) کی رپورٹ حقائق پر مبنی نہیں ہے۔واضح رہے کہ فیڈریشن آف انٹرنیشنل کرکٹرز ایسوسی ایشن نے غیر ملکی کرکٹرز سے کہا ہے کہ وہ پاکستان سپر لیگ کے فائنل کے لیے لاہور جانے سے گریز کریں کیونکہ وہاں سکیورٹی کے حالات اب بھی اچھے نہیں ہیں۔پاکستان کرکٹ بورڈ کی ایگزیکٹیو کمیٹی کے چیئرمین اور پاکستان سپر لیگ کے سربراہ نجم سیٹھی نے خصوصی انٹرویو میں کہا کہ انہیں فیکا کی رپورٹ پڑھ کر حیرت اور افسوس ہوا ہے کیونکہ اس رپورٹ میں جو کچھ بھی کہا گیا ہے اس کا حقیقت سے دور دور تک تعلق نہیں۔نجم سیٹھی نے کہا کہ اس رپورٹ میں یہ کہا گیا ہے کہ لاہور میں غیرملکیوں پر حملے ہورہے ہیں لگڑری ہوٹلوں پر حملے ہورہے ہیں جبکہ ایسی کوئی صورتحال نہیں ہے۔معلوم نہیں فیکانے یہ معلومات کہاں سے اکٹھی کی ہیں؟نجم سیٹھی نے سوال کیا کہ اگر فیکا یہ دعوی کرتی ہے کہ اسے مبینہ طور پر سکیورٹی ماہرین نے یہ سب کچھ بتایا ہے تو پاکستان کرکٹ بورڈ جاننا چاہے گا کہ وہ سکیورٹی ماہرین کون ہیں۔اور ان کے نام بتائے جائیں۔نجم سیٹھی نے کہا کہ ہزاروں میل دور بیٹھ کر فیکا کو معلوم ہی نہیں ہے کہ پاکستان خصوصاً لاہور میں اسوقت سکیورٹی کی صورتحال کیسی ہے۔پاکستان میں کرکٹ شائقن بین الاقوامی کرکٹ کی واپسی کے بے چینی سے منتظر ہیں۔نجم سیٹھی نے کہا کہ پاکستان سپر لیگ کے فائنل کے لیے چند ہی غیرملکی کرکٹرز نے پاکستان آنا ہے اور ان کی بھی حفاظت کے لیے تین ہزار سے زائد سکیورٹی اہلکار موجود ہونگے ان کےلیے آرمڈ بسیں موجود ہونگی اور یہ صرف ایک دن کا معاملہ ہے۔نجم سیٹھی نے کہا کہ فیکا دنیا بھر کے کرکٹرز کی نمائندہ تنظیم نہیں ہے اسے پاکستان اور بھارت سے یہی تکلیف ہے کہ وہ اسے اپنے یہاں دفتر کھول کر یونین سرگرمیوں کی اجازت نہیں دیتے لہذا وہ ان ملکوں کے بارےمیں منفی رویہ اختیار کیے رکھتی ہے۔