پیانگ یانگ(مانیٹرنگ ڈیسک)شمالی کوریا کی طرف سے امریکہ و دیگر مخالف ملکوں کو اکثر دھمکیاں دی جاتی رہتی ہے۔ اب شمالی کورین حکمران کم جونگ ان نے ایک ایسی دھمکی دے دی ہے جس نے امریکیوں کی نیندیں حرام کر دی ہیں۔ برطانوی اخبار ڈیلی سٹار کی رپورٹ کے مطابق کم جونگ ان نے دعوی کیا ہے کہ اب ہم کسی بھی وقت اور کسی بھی جگہ سے بین الابراعظمی ایٹمی میزائل کا حملہ کر سکتے ہیں جو امریکی سرزمین کے کسی بھی حصے تک مار کرنے کی صلاحیت رکھتا ہے۔شمالی کورین وزارت خارجہ کی طرف سے جاری بیان میں کہا گیا ہے کہ جس روز ڈونلڈ ٹرمپ اپنا عہدہ سنبھالیں گے، اس روز ہم ایٹمی میزائل داغ دیں گے۔وزارت کے ترجمان کا مزید کہا ہے کہ ہماری ایٹمی ہتھیار بنانے کی پالیسی کا ذمہ دار امریکہ ہے جس نے اپنے اشتعال انگیز اقدامات کے باعث کم جونگ ان کو اپنا دشمن بنایا۔ہم نے بین الابراعظمی ایٹمی میزائل بھی امریکہ کی اشتعال انگیزی کی وجہ سے بنایا۔ اب امریکہ اور ہمارے دوسرے مخالفین شمالی کوریا کے متعلق اپنی سوچ تبدیل کر لیں، کیونکہ وہ اب ہمارے نشانے پر ہیں۔

لندن (خصوصی رپورٹ) ایک عشر ے سے تنگ جینز اور ٹراﺅزر کا فیشن مقبول عام ہوچکا ہے۔ خصوصاً خواتین کی کثیر تعداد تنگ جینز اور ٹراﺅزر پہننا پسند کرتی ہیں۔ شاید یہ جان کہ ان تنگ ملبوسات کے شوقین مرد خواتین اپنی پسند پر نظرثانی کریں کہ ایک برطانوی خاتون کو تنگ جینز پہننے کی وجہ سے چار دن ہسپتال میں گزارنے پڑے۔ خاتون تنگ جینز پہن کر ایک خاندان کا سامان دوسرے گھر میں منتقل کرنے میں مدد کرتی رہی۔ اس نے کئی گھنٹے تک ان کے ساتھ کام کیا۔ اس دوران انتہائی تنگ جینز کی وجہ سے اس کے پیروں کو خون کی فراہمی انتہائی کم ہوگئی اور گھر واپس آتے ہوئے اس کے لئے چلنا ناممکن ہوگیا۔ وہ ٹانگوں میں انتہائی تکلیف کے ساتھ بے یارومددگار چار گھنٹے تک سڑک پر لیٹی رہی۔ چار گھنٹے بعد ریسکیو عملے نے اس کو ہسپتال منتقل کیا جہاں چار روز اس کو طبی امداد دی جاتی رہی۔ خاتون نے اس قدر تنگ جینز پہن رکھی تھی کہ ڈاکٹروں کو کاٹ کر اس کے جسم سے الگ کرنی پڑی۔