اسلام آباد (خصوصی رپورٹ) الیکشن کمیشن نے پاکستان تحریک انصاف کے رہمنا جہانگیرترین کی نااہلی کے بعد خالی ہونے والے قومی اسمبلی کی نشست این اے 154 لودھراں میں ضمنی انتخاب کے شیڈول کا اعلان کر دیا۔ الیکشن کمیشن نے لودھراں سے قومی اسمبلی کی نشست پر 12 فروری کو ضمنی انتخاب کرانے کا اعلان کیا ہے۔ الیکشن کمیشن کی جانب سے جاری اعلامیے کے مطابق امیدوار اپنے کاغذات نامزدگیکی جانچ پڑتال 5 جنوری کو ہو گی۔ الیکشن کمیشن کے مطابق امیدواروں کی حتمی فہرست کا اجرا 17 جنوری کو ہو گا اور ضمنی انتخاب 12 فروری کو ہو گا۔

کراچی(خصوصی رپورٹ) سعودی عرب کے شاہ سلمان ، ان عبدالعزیز نے مالی سال 2018ءکیلئے 978 ارب سعودی ریال مالیت کے بجٹ کا اعلان کر دیا ۔ مالی حجم کے اعتبار سے سعودی عرب کی تاریخ میں یہ سب سے بڑا بجٹ ہے۔ موجودہ مالی سال کے دوران مجموعی قومی پیداوار ( جی ڈی پی) کے مقابلے میں مالی خسارہ 89 فیصد رہا ہے ۔سال 2018ءمیں یہ مالی خسارہ 12.8 فی صد تھا۔ 2017ءکے دوران میں کل 926 ارب سعودی ریال اخراجات ہوئے ہیں جبکہ آمدن 896 ارب سعودی ریال رہی ہے ۔ اس طرح بجٹ میں خسارہ 230 ارب سعودی ریال رہا ہے ۔ آئندہ سال کے دوران میں توانائی اور پانی کی قیمتوں اور تارکین وطن پر عائد ٹیکس کی مالیت میں بتدریج اضافہ کیا جائے گا۔ درایں اثنا سعودی دلی عہد شہزاد محمد بن سلمان بن عبدالعزیز نے کہا ہے کہ حکومت کی معاشی اصلاحات کا مقصد شہریوںکا معیار زندگی بہتر بنانا ، مالیاتی استحکام کا حصول اور شہریوں کیلئے روز گار کے نئے مواقع پیدا کرنا ہے۔

لاہور (خصوصی رپورٹ) پنجاب کی 56کمپنیوں میں کرپشن کے بعد ان کے سربراہوں کو تنخواہیں اور مراعات دینے کا اقدام لاہور ہائیکورٹ میں چیلنج کر دیا گیا۔ لاہور ہائیکورٹ میں رانا علم الدین ایڈووکیٹ کی جانب سے دائر درخواست میں چیف سیکرٹری پنجاب
حکومت‘ سیکرٹری فنانس کو فریق بناتے ہوئے مو¿قف اختیار کیا گیا کہ پنجاب کی 56کمپنیوں کی تشکیل غیرقانونی ہے اور اس کا کیس ہائیکورٹ میں زیرسماعت ہے۔ درخواست گزار کے مطابق 56کمپنیوں میں 80ارب سے زائد کی کرپشن ہوئی ہے اور کمپنیوں کو تاحال لوٹا جا رہا ہے۔ ایک کمپنی کے سربراہ کو 20لاکھ سے زائد کی تنخواہ اور مراعات دی جا رہی ہیں جو کہ غیرقانونی اور غیرآئینی ہے لہٰذا پنجاب کی غیرقانونی طور پر تشکیل کردہ 56کمپنیوں کے سربراہوں کو تنخواہیں اور مراعات کی ادائیگی روکی جائے اور اب تک ان کو دی گئی مراعات اور تنخواہیں واپس لی جائیں۔
مراعات چیلنج

اسلام آباد (نیااخبار رپورٹ) عالمی مجلس تحفظ ختم نبوت کے رہنماﺅں نے علامہ اقبال اوپن یونیورسٹی کے ایم اے اسلامیات میں قادیانیوں کی تفسیر شامل کرنے کا اقدام نہایت شرمناک ہے حکومت فوری طور پر اس کا نوٹس لے اور ذمہ داروں کو سزا دے ، ورنہ ہم سخت احتجاج پر مجبور ہوں گے ۔ ان خیالات کا اظہار عالمی مجلس تحفظ ختم نبوت اسلام آباد کے امیر شیخ الحدیث مولانا عبدالروف ، سیکرٹری جنرل قاری عبدالوحید، مبلغ محمد طیب فاروقی، مولانا خلیق الرحمن، مولانا محمد وسیم و دیگر نے اپنے ردعمل میں کہا کہ علامہ اقبال اوپن یونیورسٹی جیسے ادارے میں قادیانیوں کی تفسیر شامل کرنے پر تشویش ہے۔ ایسے محسوس ہو رہا ہے کہ ایک سازش کے تحت قادیانی تفسیر کو نصاب میں شامل کیا گیا اور طلباءو طالبات کے ذہن خراب کرنے کی سازش کی گئی۔ انہوں نے مطالبہ کیا کہ فوری طور پر اس تفسیر کو نصاب سے خارج کیا جائے، اگر علامہ اقبال اوپن یونیورسٹی کی انتظامیہ اور حکومت نے اس کا نوٹس نہ لیا تو ہم سخت احتجاج پر مجبور ہوں گے۔

اسلام آباد (خبرنگار)وزیر اعظم کی ہدایت پر دھرنے والوں کو پیسے بانٹے گئے فوج حافظ سعید کی سرپرستی نہیں کر رہی، پارلیمنٹ جو پالیسی بنائیگی عمل کرینگے، جنرل قمر باجوہ۔سینٹ کو بریفنگ کے دوران معلوم ہواہے کہ آرمی چیف قمر جاوید باجوہ نے واضح کردیا ہے کہ فوج کسی صورت سسٹم کو ڈی ریل نہیںکرناچاہتی سیاستدان اپنے آپ کو مضبوط کریں۔2014ءکے دھرنے کے موقع پر جمہوریت کی بساط لپیٹی جاسکتی تھی مگر فوج نے ایسا کوئی اقدام نہیںکیا۔ آرمی چیف گزشتہ روز سینٹ کی ہول کمیٹی کے اجلاس میںارکان پارلیمنٹ کے سوالوں کے جواب دے رہے تھے۔ ذرائع نے بتایا کہ صرف دو تین سوالوں کے جواب ڈی جی آئی ایس آئی نے دیئے۔ جبکہ باقی تمام سوالوں کے جواب آرمی چیف نے خود دیئے انہوںنے کہاکہ میں احتساب کے لئے حاضر ہوں مگر فوج میری اولاد کی طرح ہے اس کا احتساب میں خود کروںگا کسی اور کوایساکرنے کی اجازت نہیں دونگا۔ ذرائع نے بتایا کہ آرمی چیف نے بتایا کہ فیض آباد دھرنے کے پیچھے فوج کاکوئی کردار نہیں ۔فوج نے دھرنے کے خاتمہ کےلئے ثالثی کا کردارضرور ادا کیاہے اور وہ بھی حکومت کے کہنے پر کیاتھا۔ذرائع نے یہ بھی بتایا کہ آرمی چیف قمر جاوید باجوہ نے ارکان پارلیمنٹ کے سامنے تین خواہشات کا اظہار کیا کہ وہ باعزت طورپر اپنی مدت پوری کرینگے اورملازمت میں توسیع کے حق میں نہیں ہیں دوسرا ان کی خواہش ہے کہ جب وہ ریٹائرڈ ہوں توملک میں امن وامان قائم ہو تاکہ میرے اور قوم کے بچے محفوظ زندگی گزارسکیں۔تیسرا یہ کہ جمہوری سسٹم کو ڈی ریل کرنے کاسلسلہ ہمیشہ کے لئے ختم ہوجائے۔